«Ревизор келе жатыр». Нұр-Сұлтанның тексеру комиссиясы 9,4 млн теңгеге такси жалдамақ
Тиісті лот мемлекеттік сатып алу сайтына жарияланды.
«Нұр-Сұлтан қаласы бойынша тексеру комиссиясы» мемлекеттік мекемесі 2021 жылдың наурыз-желтоқсан айларында қызметкерлерді тасымалдау үшін 9,4 миллион теңгенің конкурсын жариялады.
Контрагенттерді тексеру сайтында мекемеде бар-жоғы 31-40 адам жұмыс істейді деп хабарланған.
Конкурс жаңа жылдан кейінгі «көп демалыс, аз жұмыс» аралығында, яғни, 6 қаңтар күні жарияланған. Таксопарктер сатып алуға 2021 жылдың 14 қаңтарынан бастап, 29 қаңтарға дейін өтініш бере алады. Лоттың құны 9 миллион 452 мың теңге. Мекеме күніне 30-дан артық шақыру жасай алмайды. Және тағы бір басты талаптардың бірі – таксопарк автобустарға арналған жолаққа рұқсат алуы шарт. Яғни, Нұр-Сұлтан әкімдігінің шенеуніктері кептеліске түспей, діттеген жеріне тез жеткісі келеді.
Лотты ұйымдастырушы «Нұр-Сұлтан қаласы бойынша Тексеру комиссиясы» мемлекеттік мекемесі такси қызметіне бұдан басқа, мынандай негізгі талаптар қойып отыр.
- Әлеуетті өнім беруші «Нұр-Сұлтан қаласы бойынша Тексеру комиссиясы» ММ үшін бірыңғай такси тарифі бойынша қызмет көрсетуі тиіс. Бұл ретте әлеуетті өнім берушіге төлем ақы тек іс жүзінде көрсетілген қызмет үшін ғана төленеді;
- Жолаушыларға (ревизорларға) сапардың құнын көзбен шолып отыруға мүмкіндік беретін есептеу құралдары бар көлік керек;
- диспетчерлік қызметі тәулік бойы жұмыс істеуге міндетті;
- өтінімдерді үзіліссіз, үздіксіз, тәулік бойы қабылдауы керек.
Бұдан өзге, ревизорлар көліктің іші қыста жылы, жазда салқын болсын дейді. Әрі салон ішінен «жағымсыз иіс» шықпау керек. Жүргізушінің киімі таза және «жалпы қабылданған әдеп ережелерін» сақтауы керек.
«Такси өтінім немесе шақырту алған сәттен бастап Дирекция көрсеткен мекен жайға 15 минут ішінде келуі тиіс. Осы шартты бұзғаны үшін айыппұл салынады. Көлік жолда сынса, 15 минут ішінде басқа такси келуі керек», - деп жазған ұйымдастырушы лоттың техникалық сипаттамасында.
«Ревизорлар» конкурс талабы бойынша Lada Largus, Renault Logan, Toyota Corolla және осы санаттағы өзге де автокөліктерге мінеді. Ал, ұжыммен барып, тексеру жасаймын десе көп адам сиятын Toyota Hiace немесе Mercedes Sprinter сияқты шағын автобустар талап ете алады.
Енді, лоттың техникалық сипаттамасында көрсетілгендей, такси қандай тарифпен жүретінін санап көрейік:
1 | абоненттерді отырғызу (сапардың алғашқы 3 шқ қоса алғанда) | 700 теңгеден аспайды |
2 | абоненттерді әуежайдан отырғызу (алғашқы 3 шқ қоса алғанда) | 1 200 теңгеден аспайды |
3 | абоненттерді «Нұрлы-Жол» ТЖ вокзалынан отырғызу (алғашқы 3 шқ қоса алғанда) | 900 теңгеден аспайды |
4 | 3 шқ қашықтықтан асқаннан кейін әрбір келесі және әрбір минут | 1 шқ үшін 100 теңгеден аспайды |
5 | жолда тұрып қалу минуты (абонентті күту) | 1 мин үшін 40 теңгеден аспайды |
6 | тегін күту | 10 минуттан аспайды |
7 | ақылы күту | 1 мин үшін 40 теңгеден аспайды |
8 | қаланың әкімшілік шекарасынан тыс (қалааралық) сапарлар | 1 шқ үшін 100 теңгеден аспайды |
9 | такси көлігі келгенге дейін 30 минуттан аз уақыт қалғанда алдын ала тапсырыстың күшін жою | 1000 теңгеден аспайды |
10 | автокөлік келгеннен кейін ағымдағы тапсырыстың күшін жою | 1000 теңгеден аспайды |
11 | жолаушылар сыйымдылығы үлкен автокөлік қызметтері | отырғызу орындары 11-12 адам – сағатына 7400 теңгеден аспайды Отырғызу орындары 18-20 адам – сағатына 11600 теңгеден аспайды |
Тексеру комиссиясы қандай жұмыс істейді?
Атауы көп айтыла бермейтін бұл мекеменің қызметі, бір жыл ішінде Нұр-Сұлтан қаласы бойынша қандай тексеру жасағаны туралы жеке материал әзірлеуге болады. Дегенмен, бүгінгі мақалаға мекеме туралы жалпы ақпарат ұсынып отырмыз. Мекеменің ресми сайтындағы деректерге сүйенсек, «Нұр-Сұлтан қаласы бойынша Тексеру комиссиясы» мемлекеттік мекемесі Қазақстан Республикасы Президентінің 2011 жылғы 2 мамырдағы «Өңірлердегі сыртқы мемлекеттік бақылау органдарын жетілдіру туралы» Жарлығына сәйкес құрылған. Контрагенттерді тексеру туралы сайттарда мекеме шағын кәсіпорынға жатады, ал қызметкерлер саны жазғанымыздай, 31- 40 адам деп хабарланған.
«Тексеру комиссиясының негізгі қызметі Нұр-Сұлтан бюджетінің орындалуына және мемлекет активтерінің пайдаланылуына сыртқы мемлекеттік қаржылық бақылау жасау;
Жергілікті бюджеттің орындалуын, бюджет қаражатының және мемлекет активтерін пайдалану саласында Бюджеттік заңнаманың, мемлекеттік сатып алу туралы заңнаманың және өзге де нормативтік құқықтық актілер талаптарының сақталуын бақылау;
Жергілікті бюджеттің орындалуы және мемлекеттік органдардың стратегиялық жоспарларының, Нұр-Сұлтан қаласының даму Бағдарламасының және бюджеттік бағдарламалардың іске асырылуын бағалау», - деп жазылған ресми сайтта.
Мекеме басшысы Иманжүсіп Ақпомбаев бұл қызметіне дейін республикалық бюджеттің орындалуын тексеретін Есеп комитетіне мүше болған.
Күнімжан Айдарқызы, Нұр-Сұлтан
Жаңалықтар
- Алматыда крокус гүлдеп жатыр
- 5 жыл бойы жасырынып жүрген екі қылмыскер Түркиядан Қазақстанға қайтарылды
- Дін зерттеушісі пітір-садақадан түскен қаражатты топан судан зардап шеккендерге аударуды ұсынды
- Бұрынғы министр Асхат Оралов жаңа қызметке келді
- Маңғыстауда ауыз су мәселесі шешіледі ме?
- Су тасқынына байланысты премьер-министр мәлімдеме жасады
- Қазақстанда әкімдер жаңа өкілетке ие болмақ
- Астанада вандалдар жазаланды
- Доллар бағасы 1,5 теңгеге арзандады
- 4 облыста 5 республикалық маңызы бар жолдарды су басты
- Айкөркемнің оққа ұшуына себепкер болған сарбаз 7 жылға сотталды
- Қазақстандық блогер Путин үшін 15 тәулікке қамалды
- Ұлытау облысындағы Жезді кентінде су тасқынына байланысты төтенше жағдай режимі жарияланды
- Қаржылық мониторинг агенттігі Боранбаевтың активтеріне қатысты мәлімдеме жасады
- Митингіге шыққан Қоянды ауылының тұрғындарына айыппұл салынды
- Түркияда 5 жылдан астам тергеу органдарынан жасырынып жүрген екі қазақстандық елге қайтарылды
- Экс-министр Асхат Оралов жаңа қызметке тағайындалды
- Ақтөбедегі көпірді әуежайдан шығарған су басып қалды ма
- Ұлытау облысында 30 шақты үйді су басты: 128 адам эвакуацияланды
- Арқалықта және Қостанай облысының екі ауданында төтенше жағдай жарияланды