Ресейлік бизнес орындары Қазақстаннан жаппай кетіп жатыр

Соңғы алты жылда Қазақстандағы жұмыс істеп тұрған ресейлік компаниялардың саны ең төменгі деңгейге дейін азайды, деп хабарлайды Orda.kz.

2025 жылғы 1 сәуірдегі мәлімет бойынша, ресейлік капитал қатысатын белсенді компаниялардың саны 18,4 мың болды. Ұлттық статистика бюросының деректеріне қарасақ, жыл басымен салыстырғанда 495 компанияға азайған.

Олардың 2018 жылдан бері жүргізілген зерттеулерге қарасақ, күрт азайып кеткені байқалады. Бұл төмендеу көрсеткіші төрт тоқсан бойы жалғасып келеді. Тоғыз тоқсан бойы қарқынды өскен көрсеткіш осылай аяқ асты құлдырады.

Қазақстандағы ресейлік компаниялардың саны азая бастады.

Бұл көрсеткіш көбіне ресейлік кәсіпорындар шоғырланған салаларға әсер етті. Сауда саласында белсенді заңды тұлғалар саны 238-ге қысқарып, 7,5 мыңға жетті, ал ақпарат және байланыс секторында — 70 компанияға азайып, 2,5 мың болды.

Бұған дейін 2022 жылдың қорытындысы бойынша Қазақстанға тікелей шетелдік инвестициялар ағыны 28 миллиард доллар болып, соңғы онжылдықтағы ең жоғары көрсеткішке жеткені хабарланған болатын. Инвестор елдер арасында Ресей 1,52 миллиард доллармен бесінші орынға ие болды. Негізгі инвестициялар кен өндіру саласына, өнеркәсіпке және саудаға бағытталған.

Еске сала кетсек, бұған дейін Ресей министрі Сергей Лавров Тоқаевтың сөзіне қарсы шыққан еді.