Рамзан Қадыров Түркияда суға батып кете жаздады

Шешенстанның басшысы Рамзан Қадыров Түркиядағы демалыс айлағында суға батып кете жаздады. Ол ауруханаға жатқызылды, деп хабарлайды Orda.kz. 

Жергілікті басылымдардың мәліметінше, оқиға Бодрум қаласы Қайнар ауданындағы бес жұлдызды қонақ үй маңында болған.

Рамзан Қадыров суға түскеннен кейін кенеттен ауырып қалған көрінеді. Жақын маңдағы жағажай қызметкерлері мұны байқап, оны дереу судан алып шыққан. Кейін дәрігерлер бригадасы келген. 

Шешенстан басшысына алғашқы көмек көрсетіліп, ауруханаға жатқызылды. Дәрігерлер оның жағдайы тұрақты екенін, өміріне ешқандай қауіп төніп тұрмағанын мәлімдеді. 

Айта кетейік, мамырда Рамзан Қадыров өзін лауазымынан босатуды сұраған еді.