Отарда әскери қызметкер қайтыс болды: Қорғаныс министрлігі ақпаратты жасырып қалмақ
Жамбыл облысы, Қордай ауданына қарасты Отар ауылындағы гвардиялық гарнизонда әскери қызметкер өзінің жүрек тұсына оқ атып, қайтыс болғаны туралы ақпарат телеграм арналарда жарияланды. Ақпаратты жариялаған арна жазбасын өшіріп тастаған.
Orda.kz редакциясы аға лейтенант Омаровтың өлімі туралы білген сәттен бастап, ҚР қорғаныс министрлігіне хабарласып, ақпаратты растауды сұрады. Қорғаныс министрлігі аталған фактіні растады, бірақ оны БАҚ бетінде жариялауға марқұмның туыстарының қарсы екенін жеткізді. Редакция атынан оқиғаның анық-қанығын анықтау үшін министрлікке қосымша ресми сауал жолданды.
Кешкі сағат 17:00 шамасында Orda.kz бас редакторының орынбасарына өзін қайтыс болған аға лейтенанттың туысымын деп таныстырған ер адам хабарласты. Оның айтуынша, марқұм Семей қаласының тумасы. Ол өзіне қол жұмсар алдында соңғы хат жазып қалдырған. Хатта ата-анасынан және командирлерінен кешірім сұрағаны айтылған екен. Аға лейтенанттың «ағасы» редакцияның мақала жазуға ниет білдіріп жатқанын естіп, хабарласқанын жеткізді. Алайда бас редактордың орынбасарының телефон нөмірін қайдан алғаны белгісіз.
Марқұмның ағасымын деп танысқан ер азамат, редакцияға хабарласуды аудандық әскери командир өтінгенін айтты. Қай аудан екені және командирдің есімі кім екені айтылмады.
Редакция пікірі: Әскери бөлімшеде қайғылы жағдай орын алды, ол журналистердің құлағына жетіп, жаңалық жариялануы тиіс. Себебі бұл мемлекет қарамағындағы мекеме. Қайғыдан қан жұтып отырған отбасына хабарласып, журналистердің ақпаратты БАҚ бетіне шығармауы туралы өтініш айтқызған әскери командир кім? Осы сарындас өтініштер жасау қаншалықты этикаға сай? Отарда болған қайғылы жағдай үшін неге марқұмның туып өскен ауданындағы әскери бөлімше шырылдап жүр? Ақпаратты БАҚ бетіне шығармау кімге тиімді?
Жоғарыда көрсетілген сұрақтарды тағы да қорғаныс министрлігіне ресми сауал ретінде жолдап, жауап күтеміз.
Жаңалықтар
- Петропавлда су тасқынынан зардап шеккендерге төленетін өтемақы екі есеге қысқартылды
- Еуроодақ су тасқыннан зардап шеккен қазақстандықтарға 200 мың еуро бөледі
- Су тасқынынан зардап шеккендерге мемлекеттік қолдау ретінде 3,2 млрд теңге бөлінді
- Министрлер кабинеті үш жаңа вице-министрді тағайындады
- Украинадағы «Мызғымас киіз үйде» су тасқынынан зардап шеккен қазақ халқын қолдау мақсатында флешмоб өтті
- Қазақстан Қашағандағы шетелдік инвесторлардан 150 миллиард доллар талап етті
- Төтенше жағдайлар министрлігінің басшысы БҚО-ға тексеруге келді
- Тоқаев судьялар мен сот алқалары төрағаларын тағайындады
- Президент вейп туралы заңға қол қойды
- Қазақстанның барлық әуежайларында жолаушылар бет-әлпет биометриясынан өтеді
- Ақтауда жаз бойы ыстық су өшіріледі
- Қазгидромет өрт маусымының басталатынын ескертті
- Бишімбаев ісін тергеуге ҚМДБ қосылды
- Су тасқыны кезінде суға кеткен көліктерге өтемақы төленеді
- Алматы көшелерінің бірінде екі айға көлік қозғалысы шектеледі
- Ақтауда бесінші қабаттан құлап кеткен қыз аман қалды
- Қазақстандағы орташа зейнетақы мөлшері аталды
- Қонаев қаласына жаңа әкім тағайындалды
- «Төртінші әйелі екенмін»: Мөлдір Әуелбекова жеке өмірі туралы шындықты айтты
- Әбіләзовтың компаниясына қатысы бар жер телімдері мемлекетке қайтарылды