Олимпиада- 2026: 19 ақпанда 7 медальға талас, Софья Самоделкина шығады

19 ақпанда Милан мен Кортина-д’Ампеццо қалаларында өтіп жатқан Олимпиада ойындарында 8 спорт түрі бойынша жарыс өтеді. Бейсенбі күні барлығы 7 медаль жиынтығы сарапқа салынады, деп хабарлайды Orda.kz.      

2026 жылғы Қысқы Олимпиада ойындары аясында Миланда өтетін әйелдер арасындағы жеке сайыста мәнерлеп сырғанаудың еркін бағдарламасының кестесі белгілі болды.

Еркін бағдарлама 19 ақпан күні өтеді. Бұл сында Қазақстан атынан өнер көрсететін мәнерлеп сырғанаушы Софья Самоделкина мұз айдынға шығады. Қысқа бағдарлама қорытындысы бойынша Самоделкина 68,47 ұпай жинап, 12-орынға тұрақтады. Осы нәтижесінің арқасында ол еркін бағдарламаға қатысушылар қатарына енді.

Олимпиадада әйелдер арасындағы мәнерлеп сырғанаудың кестесі бойынша 19 ақпанда (бейсенбі) – еркін бағдарлама. Басталуы сағат 23:00-де.

Жүлделер әйелдер хоккейінде, мәнерлеп сырғанауда, фристайлда, ски-альпинизмде, шаңғы қоссайысында және конькимен жүгіру спортында ойнатылады.    

19 ақпанда біздің спортшылардан сайыстың фристайл-акробатика түріне (біліктілік, ерлер) Шерзод Хаширбаев, Дінмұхаммед Райымқұлов, Роман Иванов, Асылхан Асан қатысады.

17:00 басталатын мәнерлеп сырғанау бойынша еркін бағдарламаға(әйелдер) Софья Самоделкина қатысады, жарыс - 23:00 басталады.

Еске салсақ, 18 ақпанда Қазақстан ұлттық құрамасының мәнерлеп сырғанау шебері Софья Самоделкина XXV қысқы Олимпиада ойындары аясында Италияда өнер көрсетіп, өз рекордын жаңартты. 

Ал белгілі норвег шаңғышысы Йоханнес Клебо әлемдік спорт тарихында қысқы Олимпиада ойындарының 10 дүркін чемпионы атанып, тарихи рекорд орнатты.

Оқи отырыңыз: 

• Олимпиада-2026: Қазақстан тарихындағы трамплиннен секіруден ең үздік нәтиже
• Олимпиада-2026: Софья Самоделкина қысқа бағдарламада жеке рекордын жаңартты
• Михаил Шайдоровтың мемлекеттен ресми қанша қаражат алатыны белгілі болды