Михаил Шайдоровтың мемлекеттен ресми қанша қаражат алатыны белгілі болды

16 ақпан 2026 11:07 Жәукен Әсем

Фото: Әлеуметтік желілерден

Михаил Шайдоров 2026 жылғы қысқы Олимпиада ойындарында жеңіске жеткені үшін мемлекеттен ресми ақшалай сыйақы алады, деп хабарлайды Orda.kz.

Бұл туралы Мәдениет және спорт министрлігінің қолданыстағы нормативтік актілерінде көрсетілген. Ереже бойынша, Олимпиада ойындарының алтын жүлдегеріне 250 мың АҚШ долларына баламалы көлемде сыйақы төленеді.

Қолданыстағы айырбас бағамына сәйкес, спортшыға шамамен 123,7 миллион теңге беріледі. Қазіргі таңда бұл медаль – 2026 жылғы ойындардағы Қазақстан құрамасының қоржынына түскен жалғыз жүлде. Жүлдегерлердің бапкерлеріне де мемлекеттік сыйақы қарастырылған.

Шайдоровты дайындаған маман – Алексей Урманов. 21 жастағы спортшы ерлер арасындағы жекелей сыннан топ жарып, Қазақстанға қысқы Олимпиададағы алтын медаль әкелді. Бұл – ұлттық құрама үшін 2018 жылдан бергі алғашқы жүлде. Ал алтын медаль соңғы рет 1994 жылы Лиллехаммер Олимпиадасы кезінде берілген еді.

Айта кетейік, мемлекет басшысы Қасым-Жомарт Тоқаев Михаил Шайдоровты Олимпиададағы жеңісі үшін «Барыс» орденімен марапаттады.

Оқи отырыңыздар:

Жаңалықтар

барлық жаңалықтар