Мәди Ахметов «тұңғыш президент» күнін алып тастауды қолдады

Мәжілістің ең жас депутаты Мәди Ахметов басқа депутаттармен қатар «тұңғыш президент» күніне арналған демалысты алып тастауға дауыс берді.

Бүгін мәжіліс депутаттары «тұңғыш президент» күнін мемлекеттік мерекелер қатарынан алып тастауды қарастырған заң жобасын мақұлдады. Барлық 98 депутат өзгерісті қолдады, соның ішінде Алматыда Нұрсұлтан Назарбаевқа ескерткіш орнатуды ұсынған Мәди Ахметов те бар.

— Біз қазір жаңа Қазақстанды құру бағытында жұмыс істеп жатырмыз. Не болды, сол болды. Мен сізге тағы да айтамын, қаңтар оқиғасына дейінгі және кейінгі Қазақстанды салыстыруға болмайды. Біздің басты қағидатымыз: жеке тұлғаны ұлықтау емес, мемлекеттік мүддені қолдау болуы шарт, - деп мәлімдеді Мәди Ахметов.