Қонаевтың жиені, белгілі энергетик Алтай Қадыржанов қайтыс болды

84 жасқа қараған шағында көрнекті энергетик, мемлекет қайраткері, ХХ ғасыр инженері, сондай-ақ Дінмұхамед Қонаевтың жиені Алтай Қадыржанов өмірден өтті, деп хабарлайды Orda.kz  Дінмұхамед Қонаев атындағы халықаралық қордың баспасөз қызметіне сілтеп.

Қордың жексенбі күнгі мәлімдемесінде Алтай Камалұлы Қадыржановтың  жоғары мәдениетті әрі сирек кездесетін адалдық иесі болғаны айтылған. Ол Қазақстанның энергетикалық жүйесі құрылып, нығайған жасампаз буын өкілдерінің бірі болған.

Оның кәсіби жолы жеке амбицияға емес, жауапкершілікке, принципшілдікке және елге қызмет етуге негізделді. Дінмұхамед Қонаевтың жиені бола тұра, ол саналы түрде кез келген артықшылықтан бас тартып, өз беделін тек іспен, біліммен және қажырлы еңбегімен дәлелдеді, делінген хабарламада.

Қор өкілдерінің мәліметінше, Алтай Қадыржановтың басшылығы кезеңінде энергетика саласындағы негізгі нысандар дамып, жылу және электрмен жабдықтау бағытында жүйелі шешімдер қабылданды, сондай-ақ елдің болашағы үшін берік негіз қаланды.

Сонымен қатар Алтай Камалұлының тек инженер әрі басшы ғана емес, кең ой-өрісі бар тұлға болғаны, ең қиын жылдардың өзінде мәдениетке, ғылымға және ұлттық бастамаларға қолдау көрсеткен меценат ретінде танылғаны атап өтілді.

Алтай Қадыржанов КСРО-ның құрметті энергетигі, «Құрмет» орденінің иегері, ХХ ғасырдың көрнекті инженерлерінің бірі ретінде мойындалған.

Оқи отырыңыз: 

• Тоқаев Михаил Шайдоровты «Барыс» орденімен марапаттады
• Ақтаудағы Назарбаев ашқан шыныпластик құбыр шығаратын зауытта тапсырыс жоқ