Қазақстандағы ең ірі су электр станциясының жаңа иесі кім екені белгілі болды

«Самұрық-Энерго» акционерлік қоғамы Бұқтырма су электр станциясының жаңа иесі жайлы және мәміле туралы ақпараттарды жария етті, деп хабарлайды Orda.kz.

Өткен аптада «Бұқтырма су электр станциясы» АҚ-ның иесі «Самұрық-Энерго» емес екені белгілі болды. Қыркүйек айының соңында жасалған мәміле нәтижесінде холдингке тиесілі компания акцияларының 96,32 пайызы басқа компанияның қолына өтті. Дегенмен, елдегі ең ірі су электр станциясының бірін кім сатып алғаны құжаттарда көрсетілмеген еді.

Бүгін «Самұрық-Энерго» мәміле туралы толық мәлімет берді. Холдинг өкілдерінің айтуынша, су электр станциясы холдингтің еншілес компаниясына берілген.

«Корпоратив болып қабылдаған шешімге сәйкес, «Бұқтырма су электр станциясы» АҚ жаңартылатын энергия көздері мен су электр станциялары активтерін біріктіру мақсатында «жасыл энергетиканы» дамытуға маманданған Qazaq Green Power PLC атты ашық компанияға берілді», — деді «Самұрық-Энерго» басқарма төрағасы аппаратының басшысы Ерген Шалин. 

Актив Qazaq Green Power PLC компаниясының жарғылық капиталына беріліп, компанияның қосымша акциялары орналастырылды. «Бұқтырма су электр станциясындағы» үлес осы акциялар үшін төлем ретінде рәсімделді. Ал «Қазмырышпен» жасалған концессиялық келісім өз күшінде қалады.

«Бұқтырма су электр станциясы» акционерлік қоғамы 1996 жылы құрылған. Ол 1960 жылдан бері жұмыс істеген «Алтайэнерго» АҚ-ның құқықтық мұрагері саналады. Су электр станциясының мемлекеттік акциялар пакеті 2008 жылдан бастап «Самұрық-Энергоның» иелігінде болды. Ал 1997 жылдан бері станция мүлкі «Қазмырыш» компаниясына концессияға беріліп келеді.

«Бұқтырма су электр станциясы» — Қазақстандағы көлемі жағынан екінші ірі ГЭС. Оның жобалық қуаты — 675 МВт. Станция құрылыстары елдегі ең ірі Бұқтырма су қоймасын қалыптастырады.

Qazaq Green Power PLC — «Самұрық-Энерго» АҚ-ның 100 пайыздық еншілес компаниясы. 2022 жылы «жасыл» энергетикалық активтерді шоғырландыру мақсатында құрылған. Компанияны «Samruk — Green Energy» ЖШС Бақылау кеңесінің төрағасы Айдан Қасымбеков.