Хасан Қасымбаевтың адвокаттары аппеляциялық сотқа арыз берді

Хасан Қасымбаев пен оның серіктеріне қатысты істі қайта қарау үшін адвокаттары апелляциялық сотқа арыз жазды, деп хабарлайды Orda.kz.

Бұл туралы адвокаттардың бірі Нариман Керуенов айтты.

«Бүгін үкім шыққанына 15 күн болды. Кеше біз алдын ала шағым бердік және оны толықтырамыз, өйткені үкімді кеше ғана алдық. 56 парақтан тұратын құжатты мұқият зерттеп, талдауымыз керек», – деді Нариман Керуенов.

Бұған дейін адвокаттар сот шешімімен келіспеген болатын.

Айта кетейік, 10 қараша күні Талғар аудандық сотында «Хутор» ұйымдасқан қылмыстық тобының жетекшісі ретінде танылған Хасан Қасымбаев пен оның серіктеріне қатысты сот үкімі жарияланды. 

Соңғы сөзінде Хасан өзін халықты тыныштандыру үшін соттап жатқанын және оның ісін дәлелдейтін ешқандай айғақ жоқ екенін айтқан болатын.