Синоптиктер 14 сәуірге арналған ауа райы болжамын ұсынды.

— Қазақстанның басым бөлігі бұрынғысынша ауқымды антициклонның ықпалында болады, осыған байланысты еліміздің басым бөлігінде жауын-шашынсыз ауа райы сақталады. Тек ҚР оңтүстік және оңтүстік-батысында атмосфералық фронтальды бөліктердің өтуіне байланысты кей жерлерде найзағай ойнап, жаңбыр жауады. Кей жерлерде тұман түсіп, жел күшейеді, оңтүстік пен оңтүстік-батыста шаңды дауыл күтіледі, – деп хабарлады «Қазгидромет» РМК

Қызылорда облысының кей жерлерінде шаңды дауыл күтіледі, түнде кей жерлерде жел күшейеді, күндіз басым бөлігінде 15-20 м/с күшейеді.

Маңғыстау, Атырау облыстарының күндіз кей жерлерінде шаңды дауыл күтіледі, жел 15-20 м/с күшейеді.

Жамбыл, Түркістан облыстарының, Алматы облысының Жалаңашкөл ауданының кей жерлерінде жел 15-20 м/с күшейеді, Жамбыл облысының кей жерлерінде тұман түседі.

Ақмола, Қостанай, түнде Павлодар облыстарында тұман күтіледі. Солтүстік Қазақстан облысының кей жерлерінде тұман, күндіз жел 15-20 м/с күшейеді.

Қарағанды, Шығыс Қазақстан облыстарының кей жерлерінде жел 15-20 м/с күшейеді, Шығыс Қазақстан облысының кей жерлерінде түнде және таңертең тұман күтіледі.

Бөлісіңіз: