Бүгінгі ауа райы болжамы: Синоптиктер ескерту жасады

Синоптиктердің мәліметінше, 16 ақпанда Қазақстанның басым бөлігі жауын-шашынды болады, деп хабарлайды Orda.kz. 

Абай облысында түнде облыстың батысы мен солтүстігінде қар жауады. Күндіз жаңбыр аралас қар жауып, көктайғақ болады. Кей жерлерде тұман түседі. Жел оңтүстік-шығыстан 9–14 м/с, екпіні 15–20 м/с.

Ақмола облысында жаңбыр аралас қар жауып, көктайғақ болады. Кей жерлерде тұман түседі. Түнде 10–15° аяз болады. 

Алматы облысында түнде батысы, оңтүстігі және таулы аймақтарында жаңбыр аралас қар жауады. Күндіз жаңбыр жауады.

Шығыс Қазақстан жауын-шашынсыз. Кей жерлерде тұман түседі. 

Түркістан облысында жаңбыр жауады. Таулы аймақтарда жаңбыр аралас қар жаууы мүмкін. Температура түнде 3–8°, күндіз 12–17° жылы. 

Маңғыстау облысында жаңбыр, кей жерлерде қар жауады. Тұман басып, көктайғақ болуы мүмкін.

Қалған өңірлерде де (Ақтөбе, Атырау, Жамбыл, Жетісу, Батыс Қазақстан, Қарағанды, Қостанай, Қызылорда, Павлодар, Солтүстік Қазақстан, Ұлытау облыстары) қар, жаңбыр аралас қар жауып, көктайғақ болып, тұман түседі. Температура түнде 0–20° аяз аралығында, күндіз 5° аяздан 15° жылылыққа дейін өзгереді.

Синоптиктер көктайғақ пен бұрқасынға байланысты алыс жолға шықпауға кеңес береді. 

Оқи отырыңыз:

• Павлодар облысында екі адамның мәйітін үйінде сақтаған кейуанаға қылмыстық іс қозғалды
• Қонаевтың жиені, белгілі энергетик Алтай Қадыржанов қайтыс болды
• Жетісуда жолға шықпау туралы ескертуді елемеген бес көлік апатқа ұшырады