Бішкекте мектеп сыныптарын орыс және қырғыз тілдеріне бөлуден бас тартпақ

Бішкек билігі мектеп сыныптарын оқыту тіліне қарай бөлу жүйесінен бас тартуды жоспарлап отыр, деп хабарлайды Orda.kz.

Қалалық әкімдіктің білім департаменті басшысы Рахат Мусаеваның айтуынша, мектептердегі 400-ден астам бос орынның басым бөлігі орыс тілінде сабақ беретін пән мұғалімдеріне қатысты.

«Біз білім министрлігіне сыныптарды тілге қарай бөлмей, пәндердің бір бөлігін қырғыз тілінде, бір бөлігін орыс тілінде оқытуды ұсындық. Мүмкіндігінше ағылшын тілінде де оқыту көзделіп отыр», — деді ол.

Еске салар болсақ, Алматыдағы Aлатау ауданында орналасқан жекеменшік Rich School аралас мектебінде жұмыс істеген 30 жылдық тәжірибесі бар ұстаз өзін «орыс тілінде сөйлемеді» деген себеппен заңсыз жұмыстан шығарғанын айтады. Жалғызбасты ана төрт айдан бері жұмыссыз жүріп, мектеп басшылығымен соттасып жатыр.

Оқи отырыңыздар:

• «Терроризмді насихаттаған»: Семей қаласының тұрғыны желідегі хабарламасы үшін сотталды
• Астана қаласының прокуроры ауысты