Бір терезе қағидасы бойынша: Қандас мәртебесін Қазақстанға келмей-ақ алуға болады

Шетелде тұратын этникалық қазақтар бес елдегі Қазақстанның елшіліктері арқылы қандас мәртебесін алуға өтініш бере алады.

Қазірдің өзінде бірқатар штаттарда қандас мәртебесін алудың жаңа механизмі пилоттық режимде іске қосылды, деп хабарлайды Orda.kz ҚР Еңбек және халықты әлеуметтік қорғау министрлігіне сілтеме жасап.

Қазіргі уақытта визалық режим бар елдерде – Түрікменстанда, Моңғолияда, Қытайда, Иранда, Ауғанстанлда ҚР Сыртқы істер министрлігінің шетелдік бөлімшелерінде пилоттық режимде өтініштерді қабылдау жұмыстары жүргізіліп жатыр. Сондай-ақ ол жерден тарихи отандағы жұмысқа орналасу және баспанамен қамтамасыз ету мүмкіндігі туралы ақпарат алуға болады. Кейінірек бұл қызмет визасыз режимі бар елдерде қолжетімді болады.

Бүгінгі таңда Қазақстан Республикасының шетелдегі мекемелері шетелде тұратын этникалық қазақтардың 237 отбасынан 771 өтініш қабылдады.

«Бұдан басқа, Enbek.kz порталы арқылы осы пилоттық жобаны («қандас» мәртебесін беру және қандастарды қабылдаудың өңірлік квотасына енгізу жөніндегі қызметтер) іске асыру шеңберінде мемлекеттік қызметтер көрсету кезінде мемлекеттік органдардың өзара іс-қимыл алгоритмі енгізілді», – деп атап өтті мекеме.

Еңбек министрлігі президенттің тапсырмасын іске асыру аясында Маңғыстау облысында облыс әкімі орынбасарының жетекшілігімен кандастар қабылдау және орналастыру бойынша арнайы комиссия құрылғанын атап өтті, олар этникалық қазақтардың облыс аумағында тұру туралы өтініштерін қарайды. Тұрақты негізде жұмыс істейтін осындай комиссиялар алдағы уақытта елдің барлық өңірлерінде құрылатын болады.

Еске салайық, Қазақстан Республикасының Әлеуметтік кодексі мен Қазақстан Республикасының 2022–2027 жылдарға арналған көші-қон саясатының жаңа тұжырымдамасы аясында этникалық көші-қонды дамыту және қолдау бойынша жаңа заңнамалық бастамалар да енгізілген болатын. Осылайша, «Ата жолы» картасы алғаш рет этникалық қазақтар (басқа елдердің азаматтары), жоғары деңгейдегі кәсіпқойлар немесе табысты бизнесмендер үшін елге оңайлатылған кіру мүмкіндігімен енгізілмек.

2023 жылдың басынан бері 6144 этникалық қазақ Қазақстанға оралып, қандас мәртебесін алды. Олардың жартысынан көбі (53,9%) Өзбекстаннан, 19,1% Қытайдан, 12,1% Ресейден, 5,6% Түркіменстаннан, 5,7% Моңғолиядан және 1% басқа елдерден келген.