Белсенді Жанболат Мамайдың үстінен қылмыстық іс қозғалды

«Демократиялық партия» құруды көздейтін бастамашыл топтың жетекшісі, белсенді, саясаткер Жанболат Мамайдың үстінен қылмыстық іс қозғалды.

Бұл туралы Orda.kz хабарлайды.

– Менің үстімнен қылмыстық іс қозғалды. Жаңа ғана Алматы полициясынан хабарласып, маған қарсы 378 бап бойынша қылмыстық іс қозғалғанын жазды. Бүгін, 26 қазан күні сағат 16-00 Алматы полиция департаментіне шақырды, - деп жазды Жанболат Мамай өзінің Facebook парақшасында.

378-бап. Билік өкiлiн қорлау

1. Билік өкiлiн өз қызметтiк мiндеттерiн атқару кезiнде немесе оларды атқаруына байланысты қорлау – сексен айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына, не сексен сағатқа дейінгі мерзімге қоғамдық жұмыстарға тартуға не жиырма тәулікке дейінгі мерзімге қамауға алуға жазасы.