Бүгін Жамбылда журналистердің қатысуымен үшінші жарылыс болды

Жамбыл облысы Байзақ ауданында оқ-дәрілер қоймасының жарылысынан қалған қалдықтарды жою жүріп жатыр. Бақылауға алынған жарылыс жұмыстары бүгін үш рет жүргізілді.

Түскі уақытқа дейін оқ-дәрілерді жою жұмыстарын екі рет өткізген қорғаныс министрлігінің өкілдері үшінші жарылысқа БАҚ өкілдерін шақырып, баспасөз турын жасады. Orda.kz редакциясының Жамбыл облысындағы меншікті тілшісі Исламбек Дастан оқиға орнынан фото және видеолар жіберіп жатыр.

Алғашқы жарылыс болған әскери оқ-дәрілер қоймасынан он шақырымдай қашықта орналасқан қазіргі жарылыс ошағынан тұрғындар мен ғимараттарға ешқандай қауіп жоқ. Бұл ақпаратты таңғы жарылыстан соң Қорғаныс министрлігі хабарлаған еді.