Алматыда Димаш Құдайберген продюсерлік еткен «Көкжиектен асқан үн» халықаралық жобасының тұсаукесері өтті

Алматы қаласында Балуан Шолақ атындағы Спорт сарайында әлемге танымал әнші Димаш Құдайберген продюсерлік еткен «Көкжиектен асқан үн» атты халықаралық телевизиялық жобаның ресми тұсаукесері өтті, деп хабарлайды  Orda.kz.      

Ауқымды мәдени шараға мыңдаған көрермен жиналып, жобаның алғашқы бөліміне арналған эксклюзивті бейнематериалдарды тамашалады. Тұсаукесер барысында көрермендер түсірілім жұмыстары жүргізілген Түркістан өңірінің әсем табиғаты мен тарихи орындары көрсетілген кадрларға ерекше қызығушылық танытты.

Жоба ұлттық мәдениет пен заманауи өнерді үйлестіре отырып, Қазақстанның рухани құндылықтарын халықаралық деңгейде насихаттауды мақсат етеді. Шығармашылық бастаманың продюсері Димаш Құдайберген бұл жобаның еліміздің мәдени әлеуетін жаңа қырынан танытатынын атап өтті.

Жаңа жоба жайлы әнші өзінің Instagram парақшасында жазды.

Айта кетейік, «Көкжиектен асқан үн» халықаралық телевизиялық жобасының тұсаукесер бөлімі 14 ақпан күні «Қазақстан» телерадиокорпорациясы эфирінен көрсетіледі.

Тақырыпқа сай ұсынамыз:

• Димаш Құдайберген елші болып тағайындалды
• Димаш Құдайбергенге арнап Германия әуежайында күй шертілді
• Димаш Құдайберген жанкүйерінің арманын орындады