АҚШ Таяу Шығысқа 3 мыңнан астам теңіз жаяу әскерінің келгенін хабарлады

АҚШ Қарулы күштерінің десанттық кемесі USS Tripoli (LHA-7) бортында 3,5 мың теңізші мен теңіз жаяу әскері бар құрамымен Таяу Шығысқа жетті. Бұл туралы АҚШ Орталық қолбасшылығы X әлеуметтік желісінде мәлімдеді, деп хабарлайды Orda.kz.      

«USS Tripoli (LHA-7) десанттық-шабуыл кемесінің бортындағы америкалық теңізшілер мен теңіз жаяу әскері АҚШ Орталық қолбасшылығының жауапкершілік аймағына келді» деп жазылған хабарламада. 

АҚШ қолбасшылығы кемемен бірге өңірге теңіз жаяу әскерінен бөлек, әскери-көлік және соққы беретін жойғыш ұшақтар, сондай-ақ десанттық-шабуыл құралдары жеткізілетінін мәлімдеді.

Кейбір мәліметтерге сәйкес, АҚШ пен Иран делдалдар арқылы келіссөздер жүргізіп жатқанымен, америкалықтардың құрлық операциясына дайындалып жатқаны туралы қауесеттер де тарауда. Осы арада Ақ үй мұнай бағасының қазіргі барреліне 100 доллардан 200 долларға дейін күрт өсуі мүмкін жағдайға қатысты экономикаға әсерін де қарастырып жатыр.

Жалпы АҚШ Қарулы Күштері Таяу Шығысқа жіберетін қосымша күштердің құрамына жалпы 4 мыңнан астам әскери қызметші кіреді, бұл туралы The Washington Post газеті хабарлады.

Әңгіме АҚШ ӘТК мен Теңіз жаяу әскерлері корпусының әскери қызметшілері, соның ішінде арнайы мақсаттағы бөлімшелер туралы. Олар Bataan, Carter Hall және Mesa Verde десанттық кемелерінде орналасқан. Алғашқы екі кеме дүйсенбі күні Оман шығанағында, үшіншісі Жерорта теңізінде болды. Бұл күштер мен құралдар ақыр аяғында нақты қайда жіберіледі, әзірге анықталмаған.

Оқи отырыңыз:

• БАҚ: Украина әскери қимылдарға арналған қаражат тапшылығына ұшырады
• Трамп соғыста «алдын ала жеңіп жатырмыз» деді. Алайда шығын шаш етектен
• АҚШ қоғамы Трамптың кенже ұлы Бэрронды Ирандағы соғысқа жіберуді талап етіп жатыр