Адам Кадыровтың үйлену тойына Қазақстан елшісі қатысты

Адам Кадыровтың тойына Қазақстанның Ресей Федерациясындағы елшісі Дәурен Абаев қатысты, деп хабарлайды Orda.kz.

28 маусым күні Грозный маңындағы Ахмат Юрт ауылында Рамзан Кадыровтың 17 жастағы ұлы  Адамның үйлену тойы өтті.

Адам – Рамзан Кадыровтың үшінші ұлы. Оның жары Медни – Кадыровтың сенімді серігінің немересі.

Тойға жоғары мәртебелі қонақтар жиналды. Олардың қатарында Ресейдегі Иран, Түркия, БАӘ және Қазақстан елшілері де болды. Қазақстаннан бұл жиынға елші Даурен Абаев арнайы келіп қатысты. Бұл туралы Рамзан Кадыров өзінің әлеуметтік желідегі парақшасында хабарлап, құрметті қонақтарға алғыс айтты:

«Грозныйда мен үшін қадірлі, сыйлы адамдардың бас қосқанына қуаныштымын. Иран, Түркия, БАӘ, Қазақстан елшілері отбасымызды құттықтауға келді»  деп жазды ол. 

Үйлену тойына Ресейдің саяси және мәдени элитасының өкілдері де қатысты.