Абу Дабиде Украина мен Ресей арасындағы соғысты тоқтатуға алғашқы қадам жасалды

06 ақпан 2026 07:29 Ләззат Сұңқар

Фото: aa.com.tr

Абу-Дабиде өткен кездесу жаңа серпіліс алып, АҚШ, Украина және Ресей соғысты тоқтатуға бағытталған негізгі қадамдар бойынша келісімге келді, деп хабарлайды Orda.kz.

Абу-Дабиде өткен үшжақты келіссөздер барысында АҚШ, Украина және Ресей атысты тоқтату режимін сақтау және әскери белсенділікті бақылау мәселелерін талқылады.

Readout of Trilateral Peace Talks Hosted by the United Arab Emirates

Over February 4 and 5, delegations from the United States, Ukraine, and the Russian Federation met for the second trilateral meeting in Abu Dhabi to advance efforts to end the war in Ukraine. The discussions…
— Special Envoy Steve Witkoff (@SEPeaceMissions) February 5, 2026

«4 және 5 ақпанда АҚШ, Украина және Ресей Федерациясының делегациялары Украинадағы соғысты тоқтату жөніндегі күш-жігерді біріктіру үшін Абу-Дабиде өткен екінші үшжақты кездесуге жиналды. Талқылаулар сындарлы сипатта өтіп, берік бейбітшілік үшін жағдай жасауға бағытталды» деп жазды өзінің Х парақшасында Стив Уиткофф.

АҚШ-тың Таяу Шығыстағы арнайы елшісі делегация Ресей Федерациясы мен Украина 157 әскери тұтқынды босатады деген уағдаластыққа қол жеткізгенін мәлімдеді. Бұл соңғы бес айдағы алғашқы алмасу.

Оның айтуынша, АҚШ пен Ресей АҚШ-тың Еуропалық бағыттағы қолбасшысы генерал Алексус Гринкевич бастаған әскерилермен сөйлесуге келіскен. Осы екі күнде делегация атыс -шабуылдарды тоқтатуды бақылау әдістерін қоса алғанда, қалған ашық мәселелер бойынша кең пікірталас жүргізген.

Делегация алдағы аптада үшжақты талқылауды жалғастыруға келісті. Олар Біріккен Араб Әмірліктеріне келіссөз алаңын ұсынғаны үшін ризашылық білдірді.

Абу Дабидегі келіссөздер соңғы күндері күшейген дипломатиялық байланыстар аясында өтуде. Бұған дейін Мәскеуде Владимир Путин АҚШ-тың арнайы өкілдері — Стив Уиткофф, Джаред Кушнер және Джош Грюнбауммен шамамен төрт сағатқа созылған кездесу өткізген болатын.

Оқи отырыңыз:

Жаңалықтар

барлық жаңалықтар