Ақтауда бюджет қаражатынан 15 миллион теңгеге көгалдың орнына пластикалық «Гүлдер алаңы» орнатылды.
Бұл туралы Orda.kz Ладаға сілтеме жасап хабарлады.
13 қазанда жергілікті тұрғын Назгүл шенеуніктердің тың идеясын суретке түсірген.
– Жергілікті шенеуніктердің «креативті» көзқарасы таң қалдырды, әлде олар қаланы көркейту тәжірибесін мүлде жоғалтып алды ма? Бұл «ғажайып» қанша тұрады екен? Жоғары лауазымды шенеуніктердің келуімен байланысты емес пе? – деп сұрады Ақтау қаласының тұрғыны.
Белгілі болғандай, шенеуніктер Ынтымақ алаңының көгалындағы пластикалық гүлдерді «Гүлдер алаңы» деп атады.
Әкімдіктен хабарлағандай, декоративті жарықтандыру бойынша жұмысты «Clover media group» ЖШС жүргізді. Онымен Ақтау қалалық тұрғын үй-коммуналдық шаруашылық бөлімі 16 қыркүйекте келісімге қол қойған.
«Гүлдер алаңы» 200 шаршы метрді құрайды. Жобаның құны 15 404 000 теңге.
Қазіргі уақытта жұмыс әлі жүріп жатыр. Оны 2021 жылдың 20 қазанына дейін аяқтау жоспарланған.
