«Жеңіс саябағын қорлаймыз»: Павлодарда жасөспірімдердің биі елдің ашуына тиді

Павлодарда жасөспірімдер Жеңіс саябағында ерсі би билеп, бейнені әлеуметтік желіге салды, деп хабарлайды Orda.kz. 

Кәмелетке толмаған қыздар бейнеге «Жеңіс саябағын қорлаймыз» деп жазған. 

Полицияның мәліметінше, оқиғаға қатысқандардың барлығы ата-аналарымен бірге бөлімшеге жеткізілген. Заңсыз әрекеттері үшін кәмелетке толмағандар әкімшілік жауапкершілікке тартылды. 

Сонымен қатар, Павлодар әкімдігі жанындағы кәмелетке толмағандардың істері және олардың құқықтарын қорғау жөніндегі комиссия да бұл іспен айналысатынын мәлімдеді.

Айта кетейік, Астанада кешегі өткен парадқа тылда еңбек еткен ардагерді  кіргізбей қойған еді.