Жаңа Конституция жобасы туралы жалған ақпарат таратқаны алматылыққа айыппұл салынды

Алматы тұрғыны жаңа Конституция жобасы туралы жалған ақпарат таратқаны үшін айыппұлға тартылды, деп хабарлайды Orda.kz.      

Алматы тұрғыны әлеуметтік желілер мен мессенджерлерде жаңа Конституция жобасына қатысты жалған ақпарат таратқан. Онда құжатта шетелдіктерге жер сатуға тыйым салу нормасы алынып тасталды деген мәлімдеме болғаны айтылған.

Алматы қалалық полиция департаментінде бұл мәліметтердің шындыққа сәйкес келмейтінін түсіндірді. Жер мен табиғи ресурстарға қатысты нормалар жоба аясында өзгертілмеген және қолданыстағы Конституциядағы ережелермен толық сәйкес келеді.

Жалған ақпаратқа құқықтық баға берілді. Алматы қаласының аудандық әкімшілік сотының қаулысымен А. есімді азамат көрінеу жалған мәлімет таратқаны үшін кінәлі деп танылды. Оған 20 айлық есептік көрсеткіш (АЕК) мөлшерінде айыппұл салынды, бұл шамамен 86,5 мың теңге болады.

Полиция өкілдері қоғамдық кеңістікте жалған ақпаратты жариялау немесе тарату әкімшілік жауапкершілікке әкеп соғатынын еске салып, тек ресми әрі тексерілген дереккөздерді пайдалануға шақырды.

Оқи отырыңыз:

• Халық қазақ журналистерінен белсенді азаматтық ұстаным күтеді – Балаева
• Бишімбаев ісі бойынша прокурор Қазақстан халқына үндеу тастады
• QazNews24 қоғамдық парақшасының әкімшісі 2 айға қамалды