Үндістанның Махараштра штатындағы Аколе қаласында жүргізуші Google Maps нұсқауын орындай отырып, суға батып кетті. Бұл туралы Lenta.ru The Indian Express-ке сілтеме жасап хабарлады.
34 жастағы Сатиш Гуле 42 жастағы кәсіпкер Гуру Шехарға тиесілі компанияда жұмыс істеген. Гуле коронавирус пандемиясы салдарынан жұмысынан айырылған, бірақ Шехар оны жеке жүргізуші ретінде жалдады.
10 қаңтар, жексенбіге қараған түні Гуле Шехар мен оның 44 жастағы досы Самир Раджуркарды жаяу серуендеуге баратын Калсубай тауына алып бара жатқан.
Жолда ер адамдар адасып, Google Maps-тың көмегіне жүгінген.
Жергілікті полиция бастығының орынбасары Рахул Мадне:
«Жылына сегіз ай жұмыс жасайтын көпір бар. Жаңбырлы маусымнан кейін төрт ай ішінде бөгеттен су босатылып, көпір судың астына кетеді. Осы кезде ол жерде жүруге болмайды»,-деді.
Полиция жергілікті тұрғындар көпірдің су астында екенін біледі, сондықтан олар бұл жолдан аулақ жүретіндіктерін айтты. Қараңғыда жүргізуші мен жолаушылар суды көрмей, кездейсоқ суға түсіп кеткен. Олар көліктің терезесін ашып, сыртқа шыға алды. Нәтижесінде Шехар мен Раджуркар жағаға жүзіп шықты. Жүзе алмайтын Гуле батып кетті.
Гүленің денесі судан жексенбі күні таңертең шығарылып, ауруханаға жеткізілді. Дәрігерлер адам өлімін растады.
