Үндістан мен Пәкістан атысты тоқтатуға келісті

Бұл туралы Truth Social әлеуметтік желісінде Дональд Трамп жазды. Оның айтуынша, келісімге АҚШ-тың делдалдығымен қол жеткізілген, деп хабарлайды Orda.kz SVTV NEWS телеграм-арнасына сілтеме жасап.

«Америка Құрама Штаттарының делдалдығымен өткен ұзаққа созылған түнгі келіссөздерден кейін мен Үндістан мен Пәкістан ТОЛЫҚ ЖӘНЕ ДЕРЕУ оқ атуды тоқтату туралы келіскенін қуана жариялаймын. Екі елді де құттықтаймын!» деп жазды АҚШ президенті. 

АҚШ мемлекеттік хатшысы Марко Рубио Үндістан мен Пәкістан бейтарап аумақта кең ауқымды мәселелер бойынша келіссөздер бастауға келісті деп мәлімдеді.

Deutsche Welle мәліметінше, Пәкістанның сыртқы істер министрі Исхак Дар оқ атуды тоқтату туралы ақпаратты растады.

Еске салсақ, сейсенбіден сәрсенбіге қараған түні Үндістан мен Пәкістан бір-біріне шабуыл жасады. Шабуылды Үндістан бастады. Ал Пәкістан Үндістанның ракетамен шабуыл жасағанына жауап қайтаратынын мәлімдеді. Көп ұзамай Пәкістан Үндістанға қарсы соққы жасады.

Үндістан мен Пәкістан арасындағы қақтығыс 2025 жылдың сәуірінде Пахалгамдағы лаңкестік шабуылдан кейін күрт шиеленісіп,  содырлар 26 туристі өлтірді.

ВВС Пәкістан армиясының соққылары террористерге емес, жай халық тұратын аудандарға келіп түскені туралы мәлімдемесін келтіреді. 

ҚР СІМ Үндістан мен Пәкістан қатынасын одан әрі шиеленістірмеу үшін, ұстамдылыққа шақырды.

10 мамырда G7 және Еуроодақ елдерінің сыртқы істер министрлері Үндістан мен Пәкістанды барынша ұстамдылыққа, дереу деэскалацияға шақырды.

Үндістан СІМ елдер арасындағы бітімгершілік үнді уақыты бойынша сағат 17: 00-де күшіне енгенін хабарлады.