Вашингтонда Мұхтар Мағауиннің жылдық асы өтті

Альфия Адамбек
cover Фото: әлеуметтік желіден

Вашингтонда Қазақстанның Халық жазушысы Мұхтар Мағауиннің жылдық асы өтті, деп хабарлайды Orda.kz. 

Бұл туралы АҚШ-тағы қазақ Сапарбек Нағашыбеков Facebook парақшасында мәлімдеді. 

Kazakh American Association өкілдері Мұхтар Мағауиннің қабіріне зиярат етіп, Құран бағыштаған. Одан кейін жазушының ұлы Едігенің шаңырағына барып, асқа қатысқан.

 «Осы аста Мұхтар атамызды еске алып, тағылымды, өнегелі әңгімелер айтылды. Мұхтар Мағауинді тек қазақтар ғана емес, Түркі-Тұран әлемі, қырғыздар, орыстар, немістер де жоғары бағалап, зор құрметтейді екен. Мұхтар Мағауин бүкіл саналы ғұмырын қазақ халқына арнады. Ол 27 томдық еңбегін жазып, қазақтың бес ғасырлық тарихын рухани тұрғыда түгендеп берді. Ол — Вашингтондағы қазақтардың асқар тауы еді. Атамызды сағындық. Жатқан жері жарық, жаны жәннатта болсын. Мұхтар Мағауин атамыздың қабірін зиярат етеміз деген ағайын google карта мен осы жерге баруға болады» деп жазды Сапарбек Нағашыбеков.

Айта кетейік, Мұхтар Мағауин 85 жасына қараған шағында 9 қаңтар күні АҚШ-тың Мэриленд штатындағы үйінде қайтыс болды.

Жаңалықтар

барлық жаңалықтар

22.12.2020 жылы берілген
№KZ05VPY00030397 мерзімді баспасөз басылым және ақпараттық агенттік
тіркеу туралы куәлік.

© ORDA, . Пайдалану ережелері