ҰҚК «Проблемалық кредиттер қоры» АҚ басқармасының бұрынғы төрағасын ұстады

Лауазымдық өкілеттігін теріс пайдаланды деген күдікпен Қаржы министрлігінің «Проблемалық кредиттер қоры» АҚ басқармасының бұрынғы төрағасы ұсталды, деп хабарлайды Orda.kz. 

ҰҚК мәліметінше, күдікті жекеменшік иесіне қорға аударылуға тиіс ақша қаражатын өзіне алып қалуға заңсыз рұқсат беріп, мемлекетке 11,4 млрд теңге көлемінде залал келтірген.

Сонымен қатар, ол мемлекеттік мүлікті төмендетілген құнмен сатқан. Нәтижесінде бюджетке 1,3 млрд теңгеден астам қаражат түспей қалған. Төрағадан бөлек құжаттарды қолдан жасап, қорға 800 млн теңге көлемінде залал келтірген борышкер компаниялардың меншік иесі мен оның сыбайластары да ұсталды.

Күдіктілердің бәрі қамауға алынып, мүліктеріне тыйым салынды. Тергеу жалғасып жатыр.

Оқи отырыңыз:

• Алматыда дін қызметкері Иаков Воронцов нашақорлар тобын құрып ұсталды
• Ақтөбеде прокурор ұсталды: Тергеу жүріп жатыр
• «Елге көмек» қайырымдылық қорының жетекшісі Ілияс Сариев ұсталды