Трамп қатты аяз кезінде шабуылды тоқтату жөнінде Путинмен келісім болғанын мәлімдеді

АҚШ президенті Дональд Трамп Владимир Путинге жеке өзі хабарласып, бір апта бойы Киевке және Украинаның бірқатар басқа қалаларына соққы бермеуді сұрағанын айтты. Америкалық көшбасшының сөзінше, Украинадағы жағдайды реттеу бойынша келіссөздерде қайтадан «елеулі ілгерілеу» бар екен, деп хабарлайды Orda.kz.

Мәселе қатты аяз жағдайында энергетикалық инфрақұрылымға жасалатын соққылар туралы болып отыр. Трамптың айтуынша, Ресей мұндай соққыларды уақытша тоқтатқан. Ол бұл туралы Ақ үйде өткен іс-шара барысында мәлімдеді.

Украина президенті Владимир Зеленский соққылардың уақытша тоқтауына үміт артатынын айтып, бүгінгі түннен бастап басталуы тиіс энергетикалық бітім жөніндегі келісімді растады. Тиісті келісімдер Біріккен Араб Әмірліктерінде өткен келіссөздер барысында жасалған.

Алайда қазіргі уақытта Ресей билігі тарапынан соққыларды тоқтату мүмкіндігіне қатысты ресми мәлімдемелер жасалған жоқ.

Айта кетейік, Қытай Халық-азаттық әскерінің жоғарғы басшылығында өзгерістер болып жатыр. Өткен демалыс күндері генералдар Чжан Юся мен Лю Чжэньли қызметтен босатылды. Бұл ел ішінде билік үшін күрес күшейіп келе жатқанын көрсетеді.