Тоқаев «Қазақстан халқына» қорының төрағасымен кездесті

Тоқаев «Қазақстан халқына» қорының төрағасы Болат Жәмішевпен кездесті, деп хабарлайды Orda.kz.

Болат Жәмішев қордың үш жыл ішінде атқарған қызметі мен алдағы кезеңге арналған міндеттері туралы ақпарат берді:

•  «Қазақстан халқына» қоры үш жылда жалпы сомасы 230 миллиард теңге болатын 103 қайырымдылық жобасын қаржыландырған. Оның ішінде 58 жоба толығымен аяқталған;
•  Ауыр және сирек кездесетін сырқатқа шалдыққан науқастарды дәрі-дәрмекпен қамтамасыз ету мақсатында 461 адамға, соның ішінде 342 балаға 57,7 миллиард теңге бөлінген.
•  Тірек мектептердің әлеуетін дамыту жобасы аясында 135 ауыл мектебі жаңғыртылды.
•  Елдімекендердегі 100 балалар спорт залы жабдықталды.
•  Қор тасқыннан зардап шеккен бес облыстағы 627 үйдің құрылысын қаржыландырды.

Президент «Қазақстан халқына» қорының жұмысын жоғары бағалап, қайырымдылық шараларының Қазақстандағы азаматтық қоғамның дамуы мен әлеуметтік тұрақтылығын нығайтудағы маңызын атап өтті.