Тоқаев Бектеновке бірқатар тапсырма берді

17 желтоқсан 2024 14:53 Альфия Адамбек

Фото: Ақорда

Мемлекет басшысы премьер-министр Олжас Бектеновті қабылдады, деп хабарлайды Orda.kz.

Премьер-министр экономикалық өсімді қамтамасыз ету және әлеуметтік саясатты жетілдіру бойынша президент тапсырмаларының орындалу барысы туралы баяндады. Оның айтуынша, биылғы қаңтар-қараша айларында жалпы ішкі өнімнің өсімі 4,4 пайыз болған.

«Экономиканы әртараптандыру аясында ауыл шаруашылығы (13,4 пайыз), құрылыс (10,3 пайыз), сауда (8,2 пайыз), көлік (8,1 пайыз), өңдеу өнеркәсібі (5,3 пайыз), соның ішінде металлургия (7,2 пайыз) және машина жасау (6,9 пайыз), химия өнеркәсібі (8,4 пайыз), сондай-ақ ақпарат және байланыс (5,3 пайыз) салаларында өсім байқалған», - дейді Олжас Бектенов.

Оның айтуынша, мұнай игерудің болжамды көрсеткішінің орындалмауы экономика дамудың жалпы қарқынына әсер еткен.

«Отандық өндірушілерді қолдау және терең өңдеуді ынталандыру бойынша қабылданған шаралардың нәтижесі жөнінде мәлімет берді. Өңделген тауар экспорты 10,2 пайызға өсіп, 23,3 миллиард долларға жеткен. Тауар импортының көрсеткіші 3,3 пайызға кеміген. Негізгі капиталға салынған инвестиция көлемі 3,1 пайызға ұлғайған. Бұл орайда шикізаттық емес салаларда айтарлықтай өсім бар», - деді ол.

Қасым-Жомарт Тоқаев өңдеу өнеркәсібі, ауыл шаруашылығы, құрылыс және көлік салаларындағы оң динамиканы сақтау бағытындағы жұмысты жалғастыруды тапсырды. Сондай-ақ инвестиция тарту, әлеуметтік және инженерлік инфрақұрылымды жаңғырту, импорт алмастыру және әлеуметтік маңызға ие азық-түліктің бағасын тұрақтандыруды бақылау бойынша бірқатар тапсырма берді.

Жаңалықтар

барлық жаңалықтар