Тараздағы процедуралық кабинетте ине салдырған науқас қайтыс болды: Сот үкім шығарды

Таразда бір адамның өліміне әкелген жағдайдан кейін процедуралық кабинет иесі мен сол жерде жұмыс істеген медбике сотталды,  деп хабарлайды Orda.kz. 

Тергеу барысында белгілі болған ақпаратқа қарасақ, олар бірнеше жыл бойы рұқсатсыз, яғни лицензиясы мен сертификаты жоқ кабинетте ине салып, ем жасап қызмет көрсетіп келген. Биыл ақпанда медбике ер адамға «цефтриаксон» деген антибиотик салған. Содан кейін науқастың жағдайы күрт нашарлап, ауруханаға жеткізілгенімен, дәрігерлер оның өмірін сақтап қала алмады.

Сот кәсіпкер әрі кабинет иесі болып отырған адамның медициналық қызметті заңсыз көрсеткенін, ал медбикенің кәсіби міндеттерін өрескел бұзғанын анықтады.

Ал медбике 1 жылға сотталды. Бірақ ол рақымшылыққа ілігіп, бостандыққа шықты. Сонымен бірге оған үш жыл бойы ине салып, ем жасауға тыйым салынды.

Айта кетейік, Қазақстанда зергерлік бұйымдарды ұрлап, ізін суытқан әйел Стамбұлда ұсталды.