Тақырып «Украина мәселесін реттеу» болмақ: Зеленский келіссөз үшін Швейцарияға келді

Зеленский Трамппен келіссөздер жүргізу үшін Швейцарияға келді, ал Уиткоффты Мәскеу бүгін кешке қарай күтеді, деп хабарлайды Orda.kz.       

Владимир Зеленский Дүниежүзілік экономикалық форум өтіп жатқан Швейцарияға ұшып келді. Жоспар бойынша АҚШ президенті Дональд Трамппен кездесу жергілікті уақыт бойынша шамамен сағат 13:00-де (Мәскеу уақытымен 15:00-де) басталады деп күтілуде.

АҚШ президентінің арнайы өкілі Стив Уиткофф пен Дональд Трамптың күйеу баласы Джаред Кушнер бейсенбі күні кешке  Владимир Путинмен келіссөздер жүргізу үшін Мәскеуге барады.

«Кешкі уақытта келеді, нақты уақытын айта алмаймын, бірақ жеті-сегізден кейін болатыны анық», деген Дмитрий Песковтың сөзін «РИА Новости» келтірді. 

Песковтың айтуынша, келіссөздердің негізгі тақырыбы «Украина мәселесін реттеу» болмақ.

Еске салсақ, бұңан дейін көптен күткен  Зеленский мен Трамптың кездесуі 28 желтоқсанда өтеді деп мәлімделген болатын.  Зеленскийдің кеңсесі оның Трамппен кездесуі 28 желтоқсанда Флоридада өтетінін растап та қойғанымен, артынша бұл кезедесу тағы да кейінге шегерілді.

Оқи отырыңыз: 

• Зеленский бейбітшілік жоспарының 20 тармағын атады
• Зеленский мен Трамп Ақ үйде не туралы уағдаласты
• «Мені қазір ауыстыру мүмкін емес»: Зеленский Трампқа жауап берді