Студенттер тұратын хостелдерге қойылатын талаптар күшейтіледі

Ғылым министрлігінің басшысы Саясат Нұрбек студенттерді жатақханамен қамтамасыз етудегі жағдайға, сондай-ақ жатақханаға қойылатын талаптарды күшейту жоспарына айтты.​

Саясат Нұрбектің айтуынша, соңғы рет 70-80 жылдары академиялық инфрақұрылымға ірі инвестиция құйылған.

«Жекешелендіру кезінде көптеген жатақханалар жойылды. Бізде бүгін не бар? Тапшылық 17 488 орын. Бұл 30 қарашадағы соңғы ағымдағы деректер» деді министр.

Биыл 10 387 орын 43 жатақхананы пайдалануға беру жоспарлануда.

«Алматыда шамамен сегіз мың, Астанада 6,5 мың орын пайда болады. Ал Солтүстік Қазақстан, Түркістан, Ақмола, Шымкентте қажеттілік шамалы» деп жалғастырды Нұрбек.

Сондай-ақ ол 1 қыркүйектен бастап заңдағы жаңа өзгерістерге сәйкес, университеттер талапкерлерді 100 пайыз жатақханамен қамтамасыз етуге міндетті екенін еске салды.

«Енді бұл міндетті талап лицензия беру кезінде ескерілетін болады. Сондай-ақ біз жеке сектордың жаңа жатақханалар құрылысына белсендірек қатысуы үшін МЖӘ бағдарламасы бойынша жұмыс істеп жатырмыз. Біз субсидияларды көбейтеміз. Жеке сектордың көмегінсіз мемлекет мұндай ауқымды мәселемен күресе алмайды» деді министр.

Саясат Нұрбектің айтуынша, бір ғана Алматының өзінде университеттер келісімге келген 85 хостел бар. Дегенмен, министрлік бұл мәселеге былтыр ғана мән бере бастағанын мойындады.

«Бұл хостелдерге жеке талаптар қойылды. Мысалы, басқа қонақтармен араласпау үшін. Тамыз айында біздің омбудсмендер әрбір жатақханаға мониторинг жүргізді. Өкінішке орай, бұл жатақхананың біздің университеттермен бірде-бір келісімшарты болмағанын растай аламыз. Біз тексерген жатақханаларда мұндай оқиғалар болған жоқ және болмайды деп үміттенемін. Біз қауіпсіздік талаптарын арттыруды және күшейтуді жалғастырамыз. Келісім-шартқа отырған жатақханаларға қауіпсіздік талаптары күшейтіледі» деп түсіндірді министр.

Жалпы, ғылым министрлігі келесі жылы жатақханадағы орын тапшылығын жабуды жоспарлап отыр. Ол үшін Нұрбек атап өткендей, құрылыс жұмыстарын үздіксіз жалғастыру қажет. Министрдің айтуынша, бүгінде республика бойынша 620 мың студент бар. Болжам бойынша, 2039 жылға қарай олардың саны миллионға дейін артуы мүмкін.