Швейцария прокуратурасы Гүлнәр Кәрімоваға айып тақты

Швейцария прокуратурасы Гүлнәр Кәрімоваға айып тақты, деп хабарлайды Orda.kz. порталы Gazeta.uz сайтына сілтеме жасап.

Өзбекстанның бұрынғы президентінің қызы халықаралық қылмыстық ұйымды басқарды, ақша жылыстатты, пара алды және жалған құжат жасады деп айыпталды. Швейцария прокурорлары шамамен 480 миллион доллар активтерді тәркілеуді сұрап отыр.

Бұқаралық ақпарат құралдарының хабарлауынша, Швейцария прокуратурасының тергеуі 2012 жылы басталған.

Айыптау қорытындысына сәйкес, Гүлнәр Кәрімова 2001-2013 жылдар аралығында бірнеше ондаған адам мен көптеген компанияларды қамтитын «Офис» деп аталатын иерархиялық қылмыстық ұйым құрып, басқарған.

Швейцарияда бұл ұйым өз қызметін 2005 жылы, елдің прокуратурасы атап өткендей, швейцариялық банктердің шоттары мен сейфтеріндегі қылмыстық операциялардан, сондай-ақ жылжымайтын мүлік сатып алу арқылы алынған капиталды жасыру үшін бастады деген болжам бар.

Айыптау қорытындысында айтылғандай, Өзбекстанның телекоммуникация саласына кіріп, жұмыс істегісі келетін шетелдік компаниялардан Гүлнәр Кәрімова арқылы рұқсат алу үшін кеңсе компаниялары арқылы пара беру талап етілген.

Өзбекстанда Гүлнәр Кәрімова 2015 жылы бес жылға бас бостандығынан айырылып, кейін 2019 жылы колонияға ауыстырылған. 2020 жылдың наурыз айында ол «мемлекет қаражатын ұрлау және Өзбекстанның мүдделеріне қайшы келетін мәмілелер жасау, сондай-ақ аса ірі мөлшерде бөтеннің мүлкін бопсалау жолымен алу фактілері бойынша» тағы 13 жыл 4 айға сотталды.

Gazeta.uz атап өткендей, Франция, АҚШ, Латвия және басқа да елдердегі Гүлнәр Кәрімова мен ол басқаратын қылмыстық топқа қатысты активтерінің жалпы сомасы шамамен 1,4 миллиард долларға бағаланады. Өзбекстан бұл қаражатты қайтаруға тырысуда.