Сауда орталығынан өрт шығып, 8 адам ажал құшты

Қытайдың солтүстігіндегі Хэбэй провинциясының Цяоси ауданында өрттен сегіз адам қаза тауып, тағы 15 адам жарақат алды, деп хабарлайды Orda.kz. 

Бұл туралы Синьхуа агенттігі хабарлады. 

Өрт жергілікті уақыт бойынша сағат 08:40 шамасында көкөністер мен басқа да қажетті заттар сататын сауда орталығында басталды. Өрт сөндірушілер шұғыл әрекет ету бригадаларымен және дәрігерлермен бірге құтқару жұмыстарын жүргізу үшін оқиға орнына жедел келді. 10:10 - да өрт сөндірілді.

Ал іздеу-құтқару жұмыстары түсте аяқталды. Зардап шеккендер ауруханаға жеткізілді.