Саяси кеңестің кеңейтілген отырысында қандай мәселелер қозғалуы мүмкін?
![cover](/uploads/orda-poster.jpg)
«Нұр Отан» партиясының төрағасы Нұрсұлтан Назарбаев партияның саяси кеңесінің кеңейтілген отырысын шақыру туралы өкімге қол қойды. Бұл туралы партия төрағасының бірінші орынбасары Бауыржан Байбек 16 қараша күні Twitter-де жазба жариялап, ақпаратпен бөлісті. Саяси кеңес отырысы бүгін, 23 қараша күні өтеді.
«Nur Otan» партиясының Төрағасы Н.Ә. Назарбаев 23 қарашада Саяси кеңестің кеңейтілген отырысын шақыру туралы қаулыға қол қойды.
— Бауыржан Байбек (@BauyrzhanBaibek) November 16, 2021
Orda.kz редакцисы саяси кеңестің қандай тақырыпта өтетіні туралы саясаткерлердің ой-пікірін білді.
«ДАТ» басылымының жетекшісі, журналист, қоғам қайраткері, саясаткер Ермұрат Бәпидің айтуынша бүгінгі кеңесте үкіметтің отставкасы туралы мәселе қозғалуы мүмкін.
![](https://kaz.orda.kz/uploads/sites/3/2021/11/3c75bb3b-a3d5-409d-ad4a-13a4f68ad826_w1200_r1_s-1024x576.jpg)
– Елдегі әлеуметтік-экономикалық жағдайдың ушыққаны сондай қоғамда қайыршылық мәселесі сөз бола бастады. Кедейшілік екінші кезекте қалды. Билік ушығып бара жатқан тақырыптардың ізін жабу үшін көзбояушылыққа барады деп ойлаймын. Нұр Отан партиясының саяси кеңейтілген кеңесі отырысында үкіметтің отставкасы мәселесі қозғалуы мүмкін. Қоғамдағы буырқанып бара жатқан наразылықтың буын басу керек. Алдарқату керек, халықтың санасына сенім ұялату керек.
– Үкімет басына премьер-министр болып тағы бір менеджер барады. Шамасы, Мәжілістің спикері Нығматулин болуы мүмкін. Оның орнына алақанын ысқылап отырған Дариға Назарбаева баруы ғажап емес. Нақты қазіргі жағдайда партия үшін бұдан басқа мәселе болмауы керек. Егер осы кеңесте тағы бір жобалар туралы айтатын болса, билік өзінің көрін одан әрі қаза түсті деген түсінік туады, - дейді саясаткер.
Қоғам қайраткерінің пікірінше, бүгінгі өтетін кеңестегі қозғалуы мүмкін маңызды мәселелердің бірі – мерзімінен бұрын президенттік сайлау өткізу.
– Тағы да қосымша бір тақырып, «Нұр Отан» партиясы радикалды әрекеттерге баратын болса, президенттік сайлауды мерзімінен бұрын өткізу мәселесін қозғауы мүмкін. Егер мерзімінен бұрын президенттік сайлау мәселесі қозғалатын болса, партияның өз бастамасы болмайды. Бұл партияның басында отырған елдегі бас «кітапханашының» транзиттік жобасына байланысты жүзеге асатын жағдай болады деп ойлаймын, - деп жауап берді Ермұрат Бәпи.
«Нұр Отан» партиясы саяси кеңесінің кеңейтілген отырысы туралы демограф ғалым, саясаттанушы Әзімбай Ғали пікір білдіріп, саяси күрестің ушықпауы керек екенін айтты.
![](https://kaz.orda.kz/uploads/sites/3/2021/11/1-11-1024x576.jpg)
– Енді билеуші партия... Өкілеті кеңейтілген партияның төрағалығы Тоқаевқа өтсе, оның тарапынан саяси күшейуі – түсінікті жағдай. Билік Тоқаевтың қолына шоғырланады. Бұл жерде билік үшін тартыстар болу мүмкін. Ең маңызды билік институты болғандықтан, ал БАҚ өкілдерінің қатыспауы мүмкін деген әңгіме саяси күресті ушықтырмау үшін деп ойлаймын.
– Сонымен қатар, камера қосылып тұрса популизмге беріліп кететін саясат өкілдер бар. Үкіметтің отставкаға кету ықтималдығының неше пайыз екенін айта алмаймын. Бірақ, бағыт сондай болу мүмкін. Билікті қадағалау – Тоқаев тарапынан күшейеді. Бұл бәрімізге түсінікті сияқты.
Айта кетейік, Nur.kz ақпараттық порталы Нұрсұлтан Назарбаевтың партиядағы өкілеттілін Тоқаевқа тапсырғаны туралы ақпаратты телеграм арнада жариялап, арада бірнеше минут өткен соң оны қайта өшіріп тастады.
Жаңалықтар
- Қостанай облысында жер сілкінісі болды
- Еуропалық Одақ жеті елге қатысты тергеу бастады
- Алматыда лифт ішінде балаларды ұрған ер адамға сот үкімі шықты
- Екі облыстағы ормандар бірлескен қазақ-қытай компаниясына берілді
- Қазақстандық спортшылардың 2024 жылғы 27 шілдедегі Олимпиада ойындарында өнер көрсету кестесі
- Париж Олимпиадасында ел туын желбіреткен Қазақстан құрамасы
- Парижде ХХХІІІ Жазғы Олимпиада ойындарының ашылу салтанаты өтті
- «Ішіндегі іріңмен бір ай жүрген марқұм»: Полиция кінәлі дәрігерлерді ұстамады
- «Халық қаржысын гүлге шашты»: Екібастұз қаласы 2,5 млн теңгені гүл жеткізу қызметіне бермек
- Жасанды интеллектпен жанданған ескі фотолар
- Халықаралық банк еліміздің су жүйесін қаржыландырмақ
- «Қызымның жыныс мүшесіне тиісті»: Зорлықшы әке 20 жылға сотталды
- «LEGO» балалардың денсаулығына үлкен қауіп төндіреді
- Қазақстандықтар рубльден құтылып жатыр
- Абай облысы жылу орталығының 64,2 пайызы тозып кеткен
- Дана Әтешоваға қарсы сот ісі
- «Ғылым академиясы мен Саясат Нұрбектің тартысы»: Назарбаев академик атағынан айырылды ма?
- Шымкентте жаңа мәдениет сарайы бой көтермек
- Енді кез-келген балағат сөзге жаза бар
- Ресейде қазақтың батыр қызы Әлияның есімімен аталған мешіт ашылды