Сағи Әшімовтің жұбайы дүниеден озды

Қазақстанның халық әртісі Асанәлі Әшімовтің жары Бағдат Әшімова отбасындағы ауыр қаза туралы хабарлады, деп жазады Orda.kz.

Бағдат Әшімова әлеуметтік желідегі парақшасында Асанәлі Әшімовтің марқұм ұлы Сағидың жары өмірден өткенін жазды.

«Асылымнан айырылып, көз жасымызды тыя алмай, жүрегіміз жадап отырған шақта тағы бір қайғы шаңырағымызды торлады. Сағидың жары, екі немереміздің анасы Селімхан дүниеден өтті. Аңсарым мен Майрамның көз жасын сүртіп, қайғыда қастарында болу, өмірдің жалғасатынын түсіндіру оңай емес. Алла енді жылатпасын. Селімхан келініміздің жатқан жері жұмақтың төрі болсын» деп жазды Бағдат Әшімова.

Айта кетейік, Сағи Әшімовтің өзі 1999 жылы өмірден өткен еді. 2025 жылдың 21 желтоқсанында Асанәлі Әшімов 88 жасында дүние салды.