Сағатына 100 мың жалған хабарлама: Құпия деректер мен банктегі қаражатты қолды қылатын алаяқтардың жолы кесілді
Фото: Бейнеден кадр
Азаматтардың құпия деректері мен ақшалай қаражатын ұрлау мақсатында фишингтік хабарламаларды жаппай таратумен айналысқан қылмыстық топ ұсталды, деп хабарлайды Orda.kz.
ҚМА мәліметінше, күдіктілер ұялы байланыс операторларының базалық станцияларының жұмысын имитациялайтын SMS-бластерді пайдаланған. Бұл құрылғы пайдаланушыларға жақын маңда тұрған жерде телефондардың автоматты түрде соған қосылып, қорғанысы әлсіз желіге ауысуына себеп болған.
Нәтижесінде абоненттердің телефондарына бірден жалған SMS-хабарламалар келіп отырған. Бұл құрылғы сағатына 100 мыңға дейін хабарлама тарата алады. Сонымен қатар, күдіктілер оны адамдар көп жүрген орындарда — базарларда және сауда-ойын-сауық орталықтарының маңында пайдаланған.
ҚМА хабарламалар «Beeline» және «Halyk Bank» компаниялары атынан жіберілгендей көрініп, жиналған бонустарды айырбастау ұсынылатынын мәлімдеді.
«Сілтемеге өткен жағдайда пайдаланушылар фишингтік сайттарға түсіп, тауар таңдағаннан кейін жеке деректерін, соның ішінде телефон нөмірін, аты-жөнін, банк картасының деректемелерін, CVV-кодын, сондай-ақ SMS арқылы келген растау кодын енгізуге мәжбүр болған», деп хабарлады ҚМА.
Осылайша, күдіктілер азаматтардың құпия ақпараты мен қаражатына қол жеткізген.
Қазіргі уақытта төрт күдікті ұсталып, қамауға алынды. ҚМА бұл қылмыстық топтың ұсталуы — ТМД елдері аумағында осындай схеманың жолы алғаш рет кесілген жағдай екенін баса айтты.
Жаңалықтар
- Перизат Қайрат түрмеде тазалықшы болып жұмыс істеп жүр
- Тоқаев Корея президентінің арнаулы өкілімен қазақ-корей ықпалдастығын одан әрі нығайту жолдарын талқылады
- Қазақстан Түркияның әскери мүлкі мен әскери қызметкерлерінің транзитіне рұқсат береді
- Мәжіліс депутаты радикал діни ағымдарға заңмен тыйым салу мәселесін қайта көтерді
- Мемлекеттік қызметкердің есірткіге әуестігі тексеріледі: Мәжіліс заң жобасын қарап жатыр
- Магнус Карлсенмен суретке түскен Алуа Нұрман халықаралық турнирден 2-орын алды
- Қаңғыбас иттерді өлтіруге рұқсат берілді
- Ақтөбе облысы әкімдігі ғимаратында болған өрттің алдын ала себебі белгілі болды
- Алматыда 2030 жылға дейінгі қаланың бас жоспарына сай қай жолдар ұзарып, қандай нысандар сүріледі?
- Әділетхан Молдахан 2 айға қамауға алынды
- Коуч пен психологтардың құқықтық мәртебесі заңмен айқындалмақ
- Қозы Көрпеш – Баян Сұлу мерекесі жайлы не білеміз?
- Сағатына 100 мың жалған хабарлама: Құпия деректер мен банктегі қаражатты қолды қылатын алаяқтардың жолы кесілді
- Таяу Шығыстағы ахуал: Трамп айтқан «алтын дәуір» бастала ма?
- Әкімдіктегілер түстен кейін жұмысына оралады — Ақтөбе облысының әкімі
- Солтүстік Корея екінші күн қатарынан белгісіз снарядтарды ұшыруда — Оңтүстік Корея
- Қазақтың келінге қатысты салт-дәстүрлері мен ат тергеудің тәрбиелік мәні
- АҚШ пен Иран 14 күнге бітім жариялады: Тоқаев құптады
- Әкімдіктегі тілсіз жау: Ақтөбе облысының әкімі мәлімдеме жасады
- Ақтөбе облысы әкімдігінің ғимараты өртке оранды
