Қырғызстандағы атыс салдарынан сегіз мектеп пен бір балабақша қирады

Білім Министрінің орынбасары Надира Жүсіпбекова қырғыз-тәжік шекарасындағы Баткен облысында зардап шеккен білім беру мекемелері туралы айтып берді.

— Бір жерде терезелер, шатырлар, қабырғалар қирады. Балабақша өртенді. Оларда оқу мүмкін емес. Оқу процесі тоқтатылды. Зардап шеккендердің арасында мұғалімдер де бар. 9-сынып оқушысы Элиза Мананова қайтыс болды, – деді ол.

Оның айтуынша, бүгін сабақ облыстың басқа аудандарындағы 40 мектепте және 23 балабақшада басталды. Бұл ретте шекараға жақын арада орналасқан 26 мектепте және 30 балабақшада жұмыс уақытша тоқтатылған.