Путин Трамппен кездеспес бұрын Тоқаевқа қоңырау шалды

Ресей басшысы Владимир Путин мен Қазақстан президенті Қасым-Жомарт Кемелұлы Тоқаев терефон арқылы сөйлесті, деп хабарлайды Orda.kz.

Әңгіменің басты арқауы Украина дағдарысын реттеу жолдары мен Мәскеудің Вашингтонмен арадағы диалогы болды. Владимир Путин Украина мәселесі бойынша АҚШ-пен жүріп жатқан әңгіменің барысы және Уиткоффпен өткен кездесудің нәтижелері туралы Тоқаевты хабардар етті.

Сөйлесу барысында Қазақстан басшысы қақтығысты бейбіт жолмен шешуге бағытталған кез келген қадамды құптайтынын атап өтті.

Еске салайық, кеше, 7 тамыз күні Ресей президентінің көмекшісі Юрий Ушаков Владимир Путин мен Дональд Трамптың алдағы күндері екіжақты жоғары деңгейдегі кездесу өткізетінін мәлімдеді.