Петропавлда такси жүргуізшісін темекі үшін өлтірген адам сотталды

Петропавл қаласында такси жүргізушісін өлтірген жолаушы 9 жылға сотталды, деп хабарлайды Orda.kz. 

39 жастағы Виталий Глушков 8 маусым күні достарымен бірге Троица мерекесін атап өткен. Екі бөтелке арақ ішіп, Есіл өзенінің жағасында демалған соң, масайған ер адамдар такси шақырған. Шақыртуға 60 жастағы жүргізуші Андрей Белоконенко келіпті. Такси жүргізуші мен мас ер адамдар арасында шылым шегу мәселесіне байланысты жанжал туындаған.

Сотта Глушковтың досы куәгер ретінде болған оқиғаны айтып берді. Ол жүргізушімен есептескен соң бірден көліктен шыққан. Ал Глушков көлікте қалып, шылым шеккен. Жүргізуші оған көлік ішінде  шылым шекпеуді айтып, сыртқа шығуды талап еткен. Алайда Глушков дөрекі мінез көрсетіп, көліктен атып шығып, жүргізушіге бірнеше рет соққы жасаған. Белоконенко жерге құлап түскеніне қарамастан Глушков соққысын тоқтатпаған. Жүргізуші ес-түссіз қалған кезде Глушков оқиға орнынан қашып кеткен. 

Андрей Белоконенко бес күн жансақтау бөлімінде жатып, көз жұмды.

Айта кетейік, Түркістан облысында газ жарылып, тұрғындар зардап шекті.