Павлодар облысында екі адамның мәйітін үйінде сақтаған кейуанаға қылмыстық іс қозғалды

Павлодар облысында екі адамның мәйіті тұрғын үйден табылуына қатысты қылмыстық іс қозғалды, деп хабарлайды Orda.kz өңірлік полиция департаментіне сілтеп.

Қазіргі уақытта тергеу амалдары жүргізіліп, оқиғаның барлық мән-жайы анықталып жатыр.

Баянауыл ауданы әкімдігінің мәліметінше, 13 ақпанда полиция қызметкерлері сот санкциясын алғаннан кейін жеке тұрғын үй аумағына кірген. Бұған отбасы мүшелерінің бірінің ұзақ уақыт бойы дәрігерге қаралмауы және туыстарының мемлекеттік орган өкілдерін үйге кіргізбеуі себеп болған. Екі үй орналасқан аумақта қайтыс болған адамдардың мәйіті табылды.

Үйлердің бірінде әжесі алты жасар баламен бірге тұрған. Бала Майқайың кенті ауруханасына жеткізілді. Дәрігерлер оның физикалық тұрғыдан дені сау, жасына сай дамығанын хабарлады. Қазіргі таңда онымен психолог жұмыс істеп жатыр. Баланың заңды өкілдері болмағандықтан, оны Екібастұз қаласындағы «Үміт» қолдау орталығына оналастырады.

Оқи отырыңыз:

• Павлодарда салынып жатқан құны оншақты миллиард болатын көпірде өрт шықты
• Масамен күреске 13,6 млрд теңге бөлінбек: Павлодар облысы әкімдігі бұған не дейді?
• Даудан басы арылмаған Павлодар қаласының бұрынғы әкімі енді Көкшетауды басқарады