Партия мүшелері Цой мен ДСМ-ға қарсы пікірлерін айтты
Сайлау алдындағы күрес жоқ кезде, партиялар ортақ проблеманы шешу мақсатында біріге алады. Бұл жолы екі партияның бірігіп көтерген мәселесі — Covid-19 вакцинасының жетіспеушілігі . Nur Otan және Халық партиясы Денсаулық сақтау министрлігінің жұмысын сәтсіз деп санайды.
Вакциналау жұртшылықта бірінші күннен бері түрлі наразылықтар тудырып келеді. Ақыры бұл туралы Парламентте айтылды. Бұл мәселені бірінші болып Nur Otan партиясының депутаты Ирина Унжакова көтерді. Оның айтуынша, Денсаулық сақтау министрлігі коронавирусқа қарсы күрестің өз тәжірибесінен де, әлемдік тәжірибесінен де сабақ алмаған. Оның айтуынша, министр Алексей Цой халықты вакциналау жұмыстарын дұрыс жүргізіп жатқан жоқ.
Қазақстан Халық партиясының депутаты Ирина Смирнова да осындай пікірде. Ол вакциналау процесін реттейтін және азаматтардың денсаулығына жауап беретін Денсаулық сақтау министрлігі екеніне сенімді.
— Олар нәтижеге жету үшін барлық процестерді біріктіруі керек. Қолдарынан келмей жатса айту керек. Вакциналау сәтсіз өтуде. Министр «бізде бәрі жақсы болады, тек қашан болатынын білмейміз» деп сабырлылық танытуда. Қытай елшісі Қазақстанға вакцинаның 3 млн дозасы әкелінгенін мәлімдеді, ал Денсаулық сақтау министрлігі бұл туралы білмейтінін айтты. Бұл таңқаларлық, егер мамандандырылған министрлік білмесе, онда ақпаратты қайдан аламыз?!
Смирнова Қарағанды зауытына ресейлік вакцинамен қамтамасыз ету үшін 18 млрд теңге бөлінгенін, бірақ ол ақша түспегенін, логистика салынбағанын атап өтті. Ол қазақстандық вакцина жөніндегі жіберіп алған мүмкіндіктерді де атап өтті.
— Бұл түсініксіз оқиға. Қазақстандық вакцина әлемде алғашқылардың бірі болып тіркелді, біз оны халықтың денсаулығы үшін ғана емес, оны шетелге сатуға және валюталық түсімдерді алуға мүмкіндік алдық. Тағы бір жіберіп алған мүмкіндік —Қазақстанда ғылым мен биотехнологияның дамуы. Бұл процесті Білім және ғылым министрлігі басқарады. Министрдің өзі егілді, ешқандай кері әсері болмады. Сондықтн халыққа неге екпеске?
Депутат ең бастысы – халықтың вакцинамен қамтамасыз етілетініне сенімді, өйткені бұл іске мемлекеттің басты тұлғалары – президент те, премьер-министр де араласуда. Алайда, вакциналау қарқыны туралы айтылған сандар нақты емес.
Авторы: Анна Даниловская
Аударған: Мұхит Тұрсынәлі
Жаңалықтар
- Зағамбар ауылында кәмелетке толмаған қызды зорлау ісі бойынша полиция мәлімдеме жасады
- Қазақстандық балалар ауаның сапасын өлшей бастады
- Қазнетте әйелге қатысты зорлық-зомбылық түсірілімі пайда болды
- Ереван Тоқаевтың Бакумен бейбіт келіссөздер жүргізу туралы ұсынысын қарастырып жатыр
- Алаяқтыққа күдікті Ресейден экстрадицияланған
- Қазақстан мен Франция әуе апатын тергеу саласында ынтымақтасады
- Алматыдағы адам өліміне әкелген автобус апаты: сотталушы сотта көзіне жас алды
- «Болашақ ойындары» 2026 жылға шегерілді
- Грекиядан екінші дүниежүзілік соғысы кезіндегі бомбалар табылды
- Ақтөбеде үлескерлерді 2,5 млрд теңге алдап кетті
- ҰҚТ құрды деген айыппен полицейлер мен халыққа қызмет көрсету орталығының қызметкерлері сотталды
- Қызыл кітапқа енген итбалықтар Каспий теңізінде қырылып жатыр
- Қазақстанда газ өндіру 60 миллиард текше метрге дейін ұлғайтылмақ
- Қырғызстанда министрлерге тойға баруға тыйым салынды
- Шымкентте жалған полицейлер ұсталды
- Шымкентте есірткі сатушыдан 3,5 келі мефедрон табылды
- Маңғыстауда қатарластары 8 жасар мектеп оқушысын ұрып-соқты
- Шымкентте 22 адам белгісіз сұйықтықтан уланды
- БҚО-да су деңгейі көтеріліп, Атырау облысына қауіп төндіруі мүмкін
- RAMS QAZAQSTAN компаниясы су тасқынынан зардап шеккендерге 500 миллион теңге жіберді