«Олимпиада-2024»: Демеу Жадыраев күміс медаль алды

Қазақтың грек-рим күресінің палуаны Демеу Жадыраев 2024 жылғы Олимпиада ойындарында күміс медаль иегері атанды.

Бұл туралы Ұлттық Олимпиада комитеті хабарлады. 

77 келіге дейінгі салмақ дәрежесінде финалда ол жапондық Нао Кусакомен жекпе-жекке шығып, 2:5 есебімен ұтылды.

Финалға дейін Жадыраев колумбиялық Хаир Куэроны (9:0) айқын басымдықпен жеңіп, одан кейін екі дүркін әлем чемпионы Қырғызстандық Ақжол Махмудовты (3:1)  ұтты, ал жартылай финалда әзірбайжандық Санан Сүлеймановтан (6:1) басым түсті.

Жадыраевтың қарсыласы Нао Кусака бұған дейін 2023 жылғы әлем чемпионатының қола жүлдегері және 2024 жылғы Азия чемпионы атанған болатын. Финалда жеңіске жету оны Олимпиада чемпионы етті.

Жалпы Париж Олимпиадасында Қазақстан қоржынында алты медаль бар: бір алтын, екі күміс және үш қола.