Оқу-ағарту министрі мектеп пәндерін біріктіру мәселесіне қатысты пікір білдірді

Алгебра мен геометрияның орнына — математика: Оқу-ағарту министрі мектеп пәндерін біріктіру мәселесіне қатысты пікір білдірді

Қазақстан мектептерінде кейбір пәндерді біріктіру жоспарланып отыр. Ұлттық білім академиясы әзірлеген жаңа стандарт қазіргі уақытта пилоттық жоба аясында апробациядан өтуде, деп хабарлайды Orda.kz.

Жоспар бойынша алгебра мен геометрия «Математика» пәніне біріктірілмек, химия, физика және биология — «Жаратылыстану ғылымдарына», дүниежүзі тарихы мен құқық негіздері — «Әлеуметтік ғылымдарға» біріктіріледі.

Оқу-ағарту министрі аталған реформа жөнінде пікір білдірді. Олардың айтуынша, бұл ұсыныс жан-жақты талдауды талап етеді және әрбір пән жеке оқытылуы тиіс.

«Білім беру саласындағы бірінші кезектегі міндет — балалардың сапалы білім алуға деген құқығын қамтамасыз ету. Технологиялық прогресс жағдайында оқушылар әр пәнді базалық деңгейде меңгеруі қажет. Сондықтан министр ретінде мен әр пәннің жеке оқытылғанын қолдаймын», — деп атап өтті Жұлдыз Сүлейменова.

Ведомство бұл мәселені педагогтермен және салалық сарапшылармен бірге талқылауды жоспарлап отыр.

Сондай-ақ министр педагогтарды аттестациядан өткізу ережелері қайта қаралатынын жеткізді. Еске салайық, Шығыс Қазақстанда 200-ден астам мұғалім жаңа аттестация талаптарына байланысты санаттарынан және жалақысының бір бөлігінен айырылып қалған болатын.

2023 жылы педагогикалық өтілі 30 және одан да көп жыл болған педагогтар Ұлттық біліктілік тестілеуін (ҰБТ) тапсырудан босатылады және өз қызметі нәтижелерінің жан-жақты талдамалық қорытындысын – портфолиосын ғана тапсыратыны айтылға еді. 

2024 жылы мұғалімдерге ғылыми жұмысы үшін қосымша ақы төленетіні мәлім болды, Тоқаев осындай заңға қол қойды.

 
2025 жылы мемлекет басшысы «Педагог мәртебесі туралы» заңға ұстаз құқығын қорғау жөнінде өзгерістер енгізуді ұсынды.