Мұнай нарығына Құлыбаевқа қатысты жаңа ойыншы келді

Акционерлері  «ҚазМұнайГаз» бен «CNPC International in Kazakhstan» болатын жаңа ЖШС өткен жылдың соңында құрылды және Тимур Құлыбаевтың бұрынғы компаниясымен ортақ мекенжайы бар, деп хабарлайды Orda.kz.

KC Energy Group 2023 жылдың 27 желтоқсанында тіркелген. Құрылтайшылар ретінде «ҚазМұнайГаз» ұлттық компаниясы мен Қазақстандағы CNPC International тіркелген. Соңғы ұйым China National Petroleum Corporation Қытай ұлттық мұнай корпорациясының еншілес кәсіпорны және Қытайдың мұнай нарығындағы ең ірі ойыншы.

Сарапшы Олег Червинскийдің айтуынша, ҚГМ KC Energy Group компаниясының 49% акциясына ие.

ЖШС қызмет түрі «Ешбір нақтылаусыз тауарлардың кең ассортиментін көтерме саудада өткізу». Бірақ бұл түсініксіз анықтаманың артында мұнай өнімдері жасырылған сияқты.

Өңдеуден кейін KC Energy Group сатуға 5,4 мың тонна АИ-92 бензинін, 0,9 мың тонна АИ-95 және 4,3 мың тонна дизель отынын, сондай-ақ  0,8 мың тонна авиакеросин ала алады. Болашақта көлем өсіп, компания нарықтағы маңызды ойыншыға айналуы мүмкін.

Бір қызығы, жаңа компанияның заңды мекен-жайы Қазақстандағы ҚГМ мен CNPC International in Kazakhstan компанияларына да ортақ иелік ететін «Petrosun» ЖШС-мен сәйкес келеді.

Еске салайық, бұған дейін Petrosun акцияларының 49 пайызы Тимур Құлыбаевқа қатысы бар құрылымдарға тиесілі болатын. 

Ал Қазақстандағы жанар-жағармайдың көтерме сауда нарығының негізгі бөлігін компанияның өзі басқарады. 2022 жылдың тамызында Құлыбаев «Petrosun» - дағы үлесін «ҚазМұнайГаз» ұлттық компаниясына берді.