Министр тікелей эфирде инсульт алды

Сербия мемлекеттік инвестициялар министрі тікелей эфирде инсульт алды, деп хабарлайды Orda.kz. 

Сербияның мемлекеттік инвестициялар министрі Дарко Глишич 5 тамызда Pink телеарнасының таңғы бағдарламасының тікелей эфирі кезінде өзін нашар сезінді. Оған сөйлеу қиындап, бетінің бір жағы жансызданды. Жүргізушілер «бәрі дұрыс па?» деп сұрағанда, Глишич бастапқыда оларды сабырға шақырған еді. Бірақ соңында студиядан бірден ауруханаға шұғыл жеткізілді.

Дәрігерлердің айтуынша, Глишичтің жағдайы ауыр, бірақ инсульт дер кезінде анықталған. Глишич ауруханаға түскен сәтте оған бірден Сербия президенті Александр Вучич келді. Жергілікті БАҚ-тың жазуынша, Глишич — Сербия президентіне ең жақын адамдардың бірі.