«Маңғыстаумұнайгаздың» бас директоры қызметінен кетті

«Маңғыстаумұнайгаздың» бас директоры Мұрат Мұстафаев қызметінен кетті, деп хабарлайды Orda.kz. 

Бұл туралы Қазақстанның мұнай-газ кеңесінің Telegram арнасы мәлімдеді. «Маңғыстаумұнайгаз» АҚ баспасөз қызметі кадрлық өзгерістер туралы әлі түсініктеме бермеді. 

Мұрат Мұстафаев Қытай тарапының шешімімен қызметінен кеткен. Ол компанияның бас директоры қызметіне 2023 жылдың ақпанында тағайындалған.

Мұрат Мұстафаев еңбек жолын «Оңтүстікмұнайгаз» АҚ және «Харикейн Құмкөл мұнай» АҚ Мұнай және газ өндіру бойынша 2-разряд операторы болып бастады.

2012-2015 жылдары  «ҚазМұнайГазда» бас геолог, бас директордың кеңесшісі, Геология және әзірлеу жөніндегі басқарушы директор, геологиялық барлау жөніндегі басқарушы директор болды.

2018-2021 жылдары – «Қазгермұнай» ЖШС бас директоры қызметін атқарды.