«Майқайың алтын» кенішінде құтқарушылардың қайтыс болуына байланысты 6 адам сотталды

«Майқайың алтын» кенішінде құтқарушылардың қаза болуы туралы іс бойынша 6 айыпталушы түрлі мерзімге сотталды. Сот оларды ҚР ҚК 277-бабы бойынша (тау-кен жұмыстарын жүргізу кезінде қауіпсіздік ережелерін бұзу) кінәлі деп тапты. Сотталғандар арасында кәсіпорынның бұрынғы бас директоры да бар, деп хабарлайды Orda.kz. 

Сотталушылардың әрқайсысының кінәсі бес айға жуық сот процесінде жиналған материалдардың жиынтығымен дәлелденді. Куәгерлерден, жәбірленушілерден, мамандардан жауап алынды. Сот мәліметінше, апат себептері бойынша сараптамалық қорытынды айыптауға негіз болған. 

Экс-директор төрт жылға бас бостандығынан айырылды. Екі адам үш жарым жылға, тағы екеуі үш жылға сотталды. 75 жастағы алтыншы айыпталушы үш жылға бас бостандығынан айырылды.

Еске салайық, қайғылы оқиға 2024 жылдың қаңтар айында Баянауыл ауданында болған еді. Төрт құтқарушы мінген автобус шахта аумағында пайда болған шұңқырға түсіп кетті. Іздеу-құтқару операциясы алты айға созылды. Осы уақыт аралығында 4 құтқарушының денесі мен автобус қалдықтары табылды. Іс алдымен аудандық сотта қаралды. Бірақ судьялардың отставкаға кетуіне байланысты іс Екібастұзға ауысты.

Ақпан айында сот өнеркәсіптік қауіпсіздік департаментінің бұрынғы екі қызметкерінің бостандығын шектеуге үкім шығарды. Олар немқұрайлылық үшін кінәлі деп танылды. Тергеу олардың 2016 жылдан бері «Майқайың алтынындағы» заң бұзушылықтар туралы біле тұра салғырттық танытқанын атап өтті. 

Айта кетейік, Хасан Қасымбаев пен оның серіктеріне қатысты істі қайта қарау үшін адвокаттары апелляциялық сотқа арыз жазды.