Мадагаскар президенті жастардың жаппай наразылығынан кейін елден қашып кетті

Мадагаскарда екі аптадан астам уақытқа созылған жаппай наразылық әлі тоқтамады, деп хабарлайды Orda.kz. 

Наразылық қыркүйек айының соңында су мен электр қуатының жетіспеушілігінен басталған еді. Бірақ халықтың наразылығы тез арада саяси талаптарға айналды. Яғни, көтеріліске шыққан жастар президент Андри Радзуэлинаның отставкаға кеткенін, сенат пен сайлау комиссиясының таратылғанын, көтеріліске шыққандардарды ұрған қызметкерлерді жазалауды талап етті. 

Жергілікті бұқаралық ақпарат құралдары мен оппозиция өкілдерінің айтуынша, Андри Радзуэлина әскерилердің бір бөлігі көтерілісшілерге қосылғаннан кейін елден кеткен. Дереккөздер оның Сент-Мари аралында ұшаққа отырғанын және Францияның Реюньон аралына қонғанын, ол жерден БАӘ-ге барғанын айтады.

Кейінірек Радзуэлина өз халқына үндеу жасап, елде «билікті заңсыз және зорлық-зомбылықпен басып алуға әрекет жасалды» деп мәлімдеді. Ол сондай-ақ өмірін сақтап қалу үшін қауіпсіз жерге кетуге тура келгенін хабарлады. Дегенмен Радзуэлина өзінің қайда екенін айтпады.

Айта кетейік, аты аңызға айналған Мұстафа Өзтүріктің қызы Неслихан Өзтүрік Абай облысына келді.